Malfermi la ĉefan menuon

Carl Michael Bellman

Carl Michael Bellman, naskita la 4-an de februaro 1740 en Stokholmo, mortinta tie la 11-an de februaro 1795, estis sveda poeto kaj komponisto de Rokoko. Li estas la plej fama kantoverkisto de Svedio kaj konsiderata kiel nacia poeto de la lando.

Carl Michael Bellman
C. M. Bellman, pentraĵo el 1779
C. M. Bellman, pentraĵo el 1779
Persona informo
Naskiĝo 4-an de februaro 1740 (1740-02-04)
en Maria Magdalena församling
Morto 11-an de februaro 1795 (1795-02-11) (55-jara)
en Klara Parish
Mortokialo tuberkulozo [#]
Lingvoj sveda lingvo [#]
Ŝtataneco Svedio [#]
Alma mater Universitato de Upsalo [#]
Familio
Patro Johan Arendt Bellman [#]
Edz(in)o Lovisa Fredrica Bellman [#]
Profesio
Profesio poeto • komponistoverkistoQ46698605 [#]
Honorigoj Lundblad prize [#]
[#] Fonto: Vikidatumoj
Information icon.svg
vdr

Kromnomo lia estas Anakreono de Svedio aŭ de Nordio.

Bellman estis genia improvizulo, sed ne ŝatis sisteman verkadon. Plaĉis al li festado kaj drinkado, kaj en 1763 liaj ŝuldoj tiom kreskis, ke li devis foriri el la lando al Norvegio. En 1772 li komponis Gustafs Skål omaĝe al reĝo Gustavo la 3-a, kaj tiu havigis al li sinekuran postenon ĉe la reĝa loterio, kies salajro ebligis al Bellman agrablan vivon sen laboro.

Post la morto de la reĝo en 1792 Bellman finance komplete ruiniĝis kaj en 1794 eĉ estis malliberigita en ŝuldo-karcero. Pro tio serioziĝis lia tuberkulozo, kiu mortigis lin en 1795.

Bellman estis entombigita en la Klara-tombejo en Stokholmo; lia tombo estas perdita.