Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

De Paĝo al Paĝo [1] estas 120-paĝa libro de Ludoviko Totsche (aŭ Lajos Tárkony). Ĝi enhavas literaturajn profilojn pri Julio Baghy, Károly Bodó, Hilda Dresen, Stellan Engholm, Jean Forge, Nikolao Hohlov, Kálmán Kalocsay, Kenelm Robinson, Raymond Schwartz, K. R. C. Sturmer kaj Ferenc Szilagyi. La libro estas eldonita de Literatura Mondo el Budapeŝto en la jaro 1932. Hungara Esperanto-Asocio reeldonis ĝin en 1976.

De Paĝo al Paĝo
De Paĝo al Paĝo
De Paĝo al Paĝo
Aŭtoro Lajos Tárkony
Eldonjaro 1932
Urbo Budapeŝto
Eldoninto Literatura Mondo
Paĝoj 120
vdr

Recenzoj redakti

 
 Ĝia eldono signis literaturan daton, ĉar ĝi estis la unua serioza provo altigi nian kritikadon ĝis kritik-arto, kian oni trovas en la kulturlingvoj. 
— 1932, artikolo de Johnson en la Facila Legolibro, paĝo 60
 
 Literatura verko de la kritikisto Totsche kiu kolektis "Literarajn profilojn", t.e. studojn pri libroj aŭ aŭtoroj. Tre bona stilo multidea enhavo en tiuj sinsekvaj artikoloj, parte aperintaj en la gazeto Literatura Mondo. Ili atingas sian celon tio estas ke ili donas la deziron ke ni legu la studatajn verkojn. 
— 1932, Historio de Esperanto II, p. 773
 
 Totsche donas al ni kolekton de kritikoj pri la verkoj kaj la verkado de Baghy, Bodó, Dresen, Engholm , Forge, Hohlov, Kalocsay, Robinson. Schwartz, Sturmer, Szilagyi. Interese estas aŭdi la opinion de la aŭtoro pri la diversaj priparolitaj libroj kaj verkistoj ĉiuj bone konataj de la Esperantistaj legemuloj. Kvankam pri diversaj punktoj iuj certe tute alie juĝos la recenzitajn verkojn, oni tamen devas laŭdi la provon de Totsche, kiu celas pripensigi la Esperantiston pri liaj aŭtoroj, inciti al komparo de ilia reciproka valoro kaj tiel rafini la guston, altigi la postulojn rilate al la arta nivelo de nia literaturo, stimuli la verkiston al pli granda severeco pri li mem kaj lia produktado. Laŭ tiu vidpunkto la verketo de Totsch e estas leginda kaj proponas al la Esperanta kritikistaro ekzemplon imitindan. 
— Belga esperantisto n199 (jan-feb 1933)

Referencoj redakti

  1. tiele literumita en Enciklopedio de Esperanto, en Historio de Esperanto (Léon Courtinat) kaj ĉe Sutton, Geoffrey 2008 : Original Literature of Esperanto, Mondial, New York, paĝo 653, ISBN 978 1 59569 090 6

Eksteraj ligiloj redakti