Dimitris Ĥristofias

Dimitris ĤRISTOFIAS (greke Δημήτρης Χριστόφιας, naskiĝis la 29-an de aŭgusto 1946 en Kato Dikomo, Kipro kaj mortis la 21-a de junio 2019) estis kipra politikisto. Li estis membro de la ekse marksisme-leninisma kaj eŭrop-komunisma politika partio Progresa Partio de la Laboranta Popolo (greke mallongigite AKEL). De 2008 ĝis 2013 li estis la prezidento de la Respubliko Kipro, kiu laŭ la konstitucio gvidas la ŝtatan registaron, do plenumas la oficon de ĉefministro.

Dimitris Ĥristofias
Persona informo
Δημήτρης Χριστόφιας
Naskonomo	Δημήτρης Δημητρίου
Naskiĝo	29-an de aŭgusto 1946 en Kato Dikomo, Kipro
Morto	21-an de junio 2019 (2019-06-21) en Nicosia New General Hospital
Mortis per	spirhalto vd
Etno	grekoj vd
Lingvoj	moderna greka • rusa • angla vd
Loĝloko	Kato Dikomo • Egkomi Lefkosias vd
Ŝtataneco	Kipro vd
Alma mater	Rusia Akademio de Sciencoj • Institute of Social Sciences of the CC of the CPSU vd
Partio	Progresa Partio de la Laboranta Popolo
Subskribo
Familio
Edz(in)o	Elsi Christofias vd
Infanoj	Christina Christofia • Christos Christofias vd
Profesio
Okupo	politikisto vd
Postenoj Postenoj Prezidento de Kipro • President of House of Representatives (Cyprus) • President of House of Representatives (Cyprus) • member of the House of Representatives of Cyprus • member of the House of Representatives of Cyprus • member of the House of Representatives of Cyprus • member of the House of Representatives of Cyprus • gvidanto de parlamenta grupo • General Secretary of the Progressive Party of Working People vd
Honorigoj Honorigoj Pushkin Medal • Grand Cross of the Order of the Redeemer • Gold Medal of Hellenic Parliament • Ordeno de José Martí • Cross of St Mark. Honorary religious medal • Kavaliro de la Granda Kruco de la Ordeno de Papo Pio la 9-a • Ordeno de Amikeco • Order of Umayyad • Ordeno de Princo Jaroslavo la Saĝa, unua klaso • Ordeno de la Cedro • Knight Grand Cross with Collar of the Order of Merit • Highest Award of Patriarchate of Cilicia • Ribbon of the Order of the Republic of Serbia • Medal of Honor for the 70th anniversary of the Peoples' victory against fascism • honorary doctor of the University of Macedonia • honora doktoro de la Moskva Ŝtata Instituto de Internaciaj Rilatoj • honorary doctor of the University of Perugia • honorary doctor of the University of Patras • honorary doctor of the University of Athens • honorary doctor of the European University Cyprus • honorary doctor of the Mariupol State University • Honorary citizenship of Naousa • Honorary citizenship of Ipati • Honorary citizenship of Astypalaia • Honorary citizenship of Kalamaria • Honorary citizenship of Corfu Municipality vd
En TTT	Oficiala retejo vd
prezidanto de Kipro
Dum	28-a de februaro 2008 – 28-a de februaro 2013
ĉefministro de Kipro
Dum	2008 – 2013
Antaŭulo	Tasos Papadopulos
Sekvanto	Nikos Anastasiades
vd	Fonto: Vikidatumoj

Li estis la unua kipra prezidento de marksisma pensmaniero, venkinte en la prezidenta baloto kontraŭ la konservativa kandidato Ioanis Kasulides laŭ oficialaj kalkuloj de 53.36% el la voĉoj kontraŭ la dekstrula rivalo kun 46.64%..

Krome li estis ĝenerala sekretario de AKEL (la kipra Progresa Partio de la Laboranta Popolo, ne konfuziĝu kun AKEL, Alternativa Komunikado inter Eŭropaj Lernejoj, interŝanĝa projekto inter lernejoj per Esperanto) kaj prezidanto de la Parlamento de Kipro.

Li estis la unua kaj ĝis nun la ununura komunisma prezidento de la ŝtatoj de Eŭropa Unio.

Frua vivo

Li naskiĝis la 29-an de aŭgusto 1946 en la vilaĝo de Kato Dikomo, Kjrenia. Ĥristofias iĝis maldekstrulo juna kaj eniris la junularon de la Progresema Partio de la Laboristaro de Kipro. Lia patro, kiu mortis en 1987, estis progresema konstruisto, membro de la Tutkipra Federacio de Laboro (PEO).

Dum mezlernado ĉe Nikozio, kiun li finis en 1964, li kutimis labori somerferie kun sia patro kaj tiel alkutiimiĝis al la vivo de la laboristaro. Kiam li estis 14-jara li aliĝis al la progresema studentorganizo PEOM kaj 18-jara al EDON (Junularo de AKEL), al sindikato PEO kaj al AKEL. En 1969, dum la 5-a Kongreso de EDON, li estis elektita membro de la Centra Konsilantaro.

Dimitris Ĥristofias studis ĉe la Instituto de Sociaj Sciencoj kaj ĉe la Akademio de Sociaj Sciencoj en Moskvo el 1969 ĝis 1974 kiam li doktoriĝis pri filozofio kaj historio. En Moskvo li trafis sian postan edzinon, Elsi Kiratu, revenis al Kipro kaj al la politika vivo.

Publika rolo

En 1974 li estis elektita al la posteno de Centra Organiza Sekretario de EDON kaj en 1977 al tiu de Ĝenerala Sekretario. Tie li estis ĝis 1987. En 1976 li estis elektita membro de la Nikozia Komitato de AKEL, kaj en 1982 – je la 15-a kongreso de AKEL – li estis elektita membro de la Centra Komitato de la partio.

Julie 1986 li estis elektita portempa membro de la Politika Buroo de la C.K. de AKEL. Post la 16-a kongreso de AKEL, okazinta en novembro 1986, li estis elektita plena membro de P.B. de C.K. AKEL kaj en 1987 li estis elektita membro de la Sekretariaro de la C.K. de AKEL. Aprile 1988, post la morto de Ezekias Papaioanu, li estis elektita Ĝenerala Sekretario de la C.K. de AKEL, posteno kiun li ankoraŭ havas.

Loka estro

Dimitris Ĥristofias estis elektita membro de la kipra parlamento unuafoje en 1991 kaj estis relektita sinsekve en la venontaj balotadoj de 1996 kaj 2001. La 7-an de junio 2001 li estis elektita prezidanto de la parlamento. Li estis reelektita kiel prezidanto de la parlamento en 2006. Kiel ĝenerala sekretario de la C.K. de AKEL kaj prezidanto de la parlamento, li estis membro de la Nacia Konsilantaro, supra averta institucio por la prezidento de la respubliko.