Eduardo la 8-a (Britio)
Edward Albert Christian George Andrew Patrick David WINDSOR estis naskita kun la familia nomo Wettin la 23-an de junio 1894 en White Lodge; li mortis la 28-an de majo 1972 en Parizo (Francio). En la jaro 1936 li estis dum dek monatoj Eduardo la 8-a, reĝo de Britio.
| Eduardo la 8-a | |||||
|---|---|---|---|---|---|
| Reĝo de Britio Imperiestro de Hindio | |||||
.jpg)
| |||||
.svg)
| |||||
| Persona informo | |||||
| Edward VIII | |||||
| Naskonomo | His Highness Prince Edward of York | ||||
| Naskiĝo | 23-an de junio 1894 en White Lodge | ||||
| Morto | 28-an de majo 1972 (77-jara) en Parizo | ||||
| Mortis pro | naturaj kialoj [#] | ||||
| Mortis per | laringa kancero [#] | ||||
| Tombo | Royal Burial Ground [#] | ||||
| Religio | Eklezio de Anglio [#] | ||||
| Etno | Britoj [#] | ||||
| Lingvoj | angla [#] | ||||
| Ŝtataneco | Unuiĝinta Reĝlando • Unuiĝinta Reĝlando de Granda Britio kaj Irlando [#] | ||||
| Alma mater | Kolegio Magdaleno • Britannia Royal Naval College • Royal Naval College, Osborne [#] | ||||
Subskribo 
| |||||
| Familio | |||||
| Dinastio | Dinastio Windsor [#] | ||||
| Patro | Georgo la 5-a de Britio [#] | ||||
| Patrino | Maria von Teck [#] | ||||
| Gefratoj | Georgo la 6-a • Mary, Princess Royal and Countess of Harewood • Prince Henry, Duke of Gloucester • Prince George, Duke of Kent • Johano de Britio [#] | ||||
| Edz(in)o | Wallis Simpson [#] | ||||
| Amkunulo | Marguerite Alibert • Freda Dudley Ward • Thelma Furness, Viscountess Furness [#] | ||||
| Profesio | |||||
| Okupo | militisto • monarko • aristokrato [#] | ||||
| |||||
| |||||
| |||||
princo de Kimrio 
| |||||
| Dum | 1910–1936 | ||||
| Antaŭulo | Georgo la 5-a, lia patro | ||||
| Sekvanto | neniu, poste ekde 1958 Karlo la 3-a, lia pranevo | ||||
Reĝo de Britio 
| |||||
| Dum | 1936 | ||||
| Antaŭulo | Georgo la 5-a | ||||
| Sekvanto | Georgo la 6-a | ||||
Imperiestro de Hindio .svg){kind=small}
| |||||
| Dum | 1936 | ||||
| Antaŭulo | Georgo la 5-a | ||||
| Sekvanto | Georgo la 6-a | ||||
| [#] | Fonto: Vikidatumoj | ||||
.jpg)
Eduardo estis filo de reĝo Georgo la 5-a kaj de ties edzino Maria von Teck. Kiam lia patro reĝiĝis en 1910, Eduardo post tio iĝis Princo de Kimrujo kaj heredonto de la trono.
Eduardo iĝis reĝo post la morto de sia patro (20-a de januaro 1936). Lia intenco edzinigi Wallis Warfield (konata kiel Wallis Simpson) kaŭzis skandalon en Britio; s-ino Warfield estis usonano, nenobelo kaj eksedzino; tial estis neakcepteble, ke ŝi estu edzino de britia reĝo, kiu estis ankaŭ estro de la Eklezio de Anglio, kiu tiam malakceptis eksedziĝon. La brita registaro sub ĉefministro Stanley Baldwin minacis demisii pro la geedziĝo.
Pro la preskaŭ unuanima publika rezisto (nur la irlanda ĉefministro Eamon de Valera subtenis la reĝon) Eduardo abdikis la 11-an de decembro 1936. La 3-an de junio 1937 okazis la geedziĝo, en Francio; neniu alia ano de la reĝa familio ĉeestis. Lia posteulo kiel reĝo estis lia frato Georgo, kiu eĉ povis transpreni la jam preparitan, sed ankoraŭ ne okazintan kronadan ceremonion.
Eduardo ricevis post sia abdiko la titolon Duko de Windsor, sed estis fakte ekzilita kaj pasigis la reston de sia vivo en Francio kaj Usono.
Kiel kompenson de sia perdita posedaĵo li ricevis almenaŭ la valoron de kasteloj Balmoral kaj Sandringham, en Britio tradicie konsiderataj kiel privata posedaĵo de la reĝ(in)o. La amplekso de la kompensoj estas nekonata. Estas sciate, ke la juveloj de lia edzino estis post ŝia morto venditaj por 160.000.000 dolaroj.
Malgraŭ la ekzilo oni koncedis al li kaj lia edzino (kiu mortis en 1986) entombigon en la reĝa tombejo de Frogmore ĉe Windsor.