Reĝa Societo de Londono
La Reĝa Societo de Londono pri la Plibonigo de Prinatura Scio (angle Royal Society of London for the Improvement of Natural Knowledge) pretendas esti la plej malnova ankoraŭ ekzistanta klerula societo. Ĝi estis fondita en 1660.
| Reĝa Societo de Londono | ||
|---|---|---|
| ||
| ||
| Fondodato | novembro 1660 | |
| Sidejo | Londono, Unuiĝinta Reĝlando | |
| Retejo | Oficiala retejo | |
| Reĝa Societo de Londono | ||
|---|---|---|
|
| ||
| Informoj | ||
| fondodato | 1600 | |
| Situo | ||
| Geografia situo | 51° 30′ 22″ N, 0° 7′ 56″ U (mapo)51.506111111111-0.13222222222223Koordinatoj: 51° 30′ 22″ N, 0° 7′ 56″ U (mapo) | |
| ||
| ||
 Reĝa Societo de Londono | ||
Kvankam ĝi estas neŝtata asocio, ĝi servas kvazaŭ scienca akademio de Britio, Irlando kaj la Brita Regnaro. Pri Irlando zorgas speciala branĉo, la Reĝa Irlanda Societo (1785), pri Skotlando la Reĝa Societo de Edinburgo (1783).
La latina moto de la societo, nullius in verba (= "je nenies vortoj"), indikas, ke bazo de scienca argumentado povas esti nur demonstreblaj faktoj (eksperimentoj), sed ne citado de aŭtoritatuloj.
Kelkaj prezidantojRedakti
- Christopher Wren (1680–1682)
- Samuel Pepys (1684–1686)
- Charles Montagu (1695–1698)
- John Somers (1698–1703)
- Isaac Newton (1703–1727)
- Hans Sloane (1727-)
- Joseph Banks (1778–1820)
- Humphry Davy (1820–1827)
- Augustus, Duko de Sussex (1830–1838)
- William Parsons (1848–1854)
- Joseph Dalton Hooker (1873–1878)
- Thomas Henry Huxley (1883–1885)
- George Gabriel Stokes (1885–1890)
- William Thomson (1890–1895)
- Joseph Lister (1895–1900)
- William Huggins (1900–1905)
- John William Strutt (1905–1908)
- Joseph John Thomson (1915–1920)
- Ernest Rutherford (1925–1930)
- William Henry Bragg (1935–1940)
- Henry Hallett Dale (1940–1945)
- Robert May (2000–2005)
- Martin Rees (2005–2010)
MembildoRedakti
La Reĝa Societo planis tutmondan reton, "imperion de scienco", kaj strebis forigi lingvajn barilojn inter la sciencoj. Dum la Reĝa Societo dediĉis sin al la libera fluo de informo kaj kuraĝigis komunikadon, estis kompleksa interrilato kun okultismo. Precipe kunfondinto Robert Boyle komencis la kutimon, tre detale raporti pri siaj eksperimentoj, por ke aliaj povu ripeti ilin, male al la kutimoj de sekretemaj alkemiistoj. Aliflanke Newton estis praktikanta alkemiisto, kaj lia asistanto John Theophilus Desaguliers estis elstara framasono.
PublikigojRedakti
Proceedings of the Royal Society (Protokoloj de la Reĝa Societo) estas patra titolo de du sciencaj gazetoj publikigitaj de la Reĝa Societo. Origine ĝi estis unika gazeto, sed estis disigita en du separataj gazetoj en 1905:
- Serio A, kiu publikigas esploradon rilate al matematikaj, fizikaj, kaj inĝenieraj sciencoj
- Serio B, kiu publikigas esploradon rilate al biologio
PremiojRedakti
- Medalo Davy pri kemio