Etelka Gerster

Etelka Gerster, germane Elka Gerster, laŭ hungarlingve kutima nomordo kaj plena nomo Gerster Etelka Adelheid Karolina estis hungara operkantisto, (soprano, koloraturo). Ŝia geedziĝa familia nomo estis Gerster-Gardini, ŝia frato estis Árpád Gerster.

Etelka Gerster
Persona informo
Naskonomo	Gerster Etelka Adelheid Karolina
Naskiĝo	la  25-an de junio 1855 (nun 1855-06-25) en Kassa (Hungara reĝlando)
Morto	la 20-an de aŭgusto 1920 en Pontecchio (Italio)
Ŝtataneco	Aŭstra imperio Aŭstrio-Hungario
Familio
Frat(in)oj	Árpád Gerster kaj Béla Gerster
Okupo
Okupo	operkantisto muzikinstruisto

Etelka Gerster [1] naskiĝis la 25-an de junio 1855 en Kassa (Hungara reĝlando, nuntempa Košice en Slovakio), ŝi mortis la 20-an de aŭgusto 1920 en Pontecchio (Italio).

Etelka Gerster en 1880

Biografio

Etelka Gerster frekventis pedagogian lernejon en sia naskiĝurbo, sed ŝi ankaŭ kantadis amatore. Kiel talenta kantisto ŝi plulernis en konservatorio de Vieno. Ŝi kantis antaŭ Francisko Jozefo la 1-a (Aŭstrio) en 1873. Iom poste Giuseppe Verdi aŭdis ŝin kaj invitis ŝin al teatro de Venecio, kie ŝi debutis en 1876. En la sekva teatra jaro ŝi kantadis en Ĝenovo kaj Marseille, poste en Berlino (1877), Novjorko (1878). Intertempe en 1877 ŝi edziniĝis, en la sama jaro ŝi estis gastokantisto en Nacia Teatro (Budapeŝto). Ŝi multe strebis por prezenti operojn de Ferenc Erkel. En 1890 ŝi finis la kantadon, tamen post 2 jaroj ŝi faris koncertojn en Hungario. Ekde la 1880-aj jaroj ŝi ankaŭ instruis en muzikakademio de Novjorko, inter 1896 kaj 1917 en propra lernejo en Berlino.

Ŝi naskis 2 filinojn.

Etelka Gerster en Novjorko en 1878

El ŝia repertuaro

• Ferenc Erkel: Hunyadi László — Gara Mária
• Giuseppe Verdi:
  • Rigoletto – Gilda (debuta rolo)
  • Aida – titolrolo
  • La Traviata – Violetta Valery
• Richard Wagner: Lohengrin — Elsa
• Gioachino Rossini: La barbiro de Sevilo — Rosina
• Wolfgang Amadeus Mozart: Die Zauberflöte – Reĝino de la Nokto
• Vincenzo Bellini: La sonnambula – Amina
• Gaetano Donizetti: Lucia di Lammermoor — titolrolo
• Ambroise Thomas: Hamleto (opero) – Ophelia

Ŝiaj studentoj

• Therese Behr-Schnabel
• Clara Butt
• Julia Culp
• Susanne Dessoir
• Magda von Dulong
• Ilona Durigó
• Birgit Engell
• Mary Hagen
• Lotte Lehmannn
• Lula Mysz-Gmeiner
• Elisabeth Ohlhoff
• Fanny Opfer
• Signe von Rappe

Ŝia libro

• Stimmführer (1906)

Fontoj

• anglalingva biografio kun foto
• anglalingva biografio
• germanlingva biografio Arkivigite je 2014-12-08 per la retarkivo Wayback Machine