Malfermi la ĉefan menuon
Poŝtmarko de GDR el la jaro 1978.
Jahn-muzeo en Freyburg.

Friedrich Ludwig JAHN (naskiĝinta en la 11-a de aŭgusto 1778 en Lanz (Prignitz), mortinta en la 15-a de oktobro 1852 en Freyburg (Unstrut)) estis germana pedagogo kaj instiganto de la nacia gimnastika movado en la 19-a jarcento. Inter alie, li enkondukis la gimnastikilojn reko kaj paralelstangoj.

VivoRedakti

Li iĝis instruisto en Berlino en la jaro 1810-a kaj malfermis en 1811 gimnastikejon sur la erikejo Hasenheide en la berlina urbokvartalo Neukölln (hodiaŭ parto de la publika ripozumeja Popolparko Hasenheide).

Intenco lia estis kontribui per gimnastikado al la morale interna renovigo de Prusio kaj fortigi la germanan nacian memkonfidon.

En 1813 li mallongan tempon restis ene de la de Libera korpuso de Ludwig Adolf Wilhelm von Lützow kaj kontribuis al la fondo de la Germana studenta korporacio.

Post malliberigo pro spirita kunkompliceco en la mortigo de August von Kotzebue li spertis polican observadon ĝis 1840.

Politikista karieroRedakti

En 1848 li estis elektita konsiliano de la Frankfurta Nacia Asembleo.

FontoRedakti

Rusch, Barbara. „Jahn, Friedrich Ludwig." Microsoft Encarta 2007 [DVD].

Eksteraj ligilojRedakti