Georgo Dandin

Georgo Dandin (fr: George Dandin ou Le Mari Confondu) estas 3-akta komedio de Moliero, verkita en 1668 por prezentado kun baledo de Jean-Baptiste Lully.

Georgo Dandin
Aŭtoro	Molière
Eldonjaro	1908
Urbo	Parizo
Eldoninto	Hachette
Paĝoj	51

Enhavo

La protagonisto Georgo Dandin /dandèn/ estas tipo de naivulo (riĉa kamparano edziĝinta al nobelino), suferanta pro tio, ke lia malprudenta deziro plenumiĝis.

Lia frazo «Vi ĝin volis, vi ĝin volis, Georgo Dandin, vi ĝin volis!» (la lasta sceno de la akto 1-a) proverbiĝis en la franca kaj kelkaj aliaj lingvoj.

La Esperanto-traduko

La Esperantigon el la franca realigis L.L. Zamenhof. La traduko estas publikigita 51-paĝe en 1908 en Parizo ĉe Hachette. La dua eldono aperis en la jaro 1924, la tria en 1930.

Recenzoj

	„ Molière estas malfacile tradukebla. Oni povas bedaŭri ke Zamenhof ne sekvis la principon ke la tradukinto devas esti de la sama patra lingvo kiel la aŭtoro. ” — 1909(1964), Historio de Esperanto I, paĝo 283

	„ En kelkaj lokoj, spertulo en lingvaj demandoj penus alimaniere esperantigi pensnuancojn, sed ĝenerale oni devas konfesi, ke Zamenhof tradukis precize kaj ĉefe ĉiam tre kompreneble. ” — 1924, Georges Stroele, Esperanto, paĝo 124

Prezento de katalunaj aktoroj estis planita por la Deka Kongreso en Parizo 1914, sed supozeble ne okazis pro la milito.

Bildaro

• 
• 

  eldono 1930

• 

  eldono 1930

Eksteraj ligiloj

• Skanaĵo de la dua eldono (pdf) ĉe Vikimedia Komunejo
• Enciklopedio de Esperanto/ G en sia originala formo en la Interreto
• Kompleta teksto de la Zamenhofa traduko. Arkivigite je 2015-12-08 per la retarkivo Wayback Machine
• Kritika eldono de la Zamenhofa traduko prinotita de Sergio Pokrovskij (Bitlibro en FictionBook kaj ties versio en PDF).
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience
• Katalogo "Erfgoedbib" en LibraryThing
• Katalogo de Kataluna Esperanto-Asocio
• Katalogo de Nacia Biblioteko de Esperanto