John Fletcher (dramisto)

John FLETCHER (n. 1579, m. 1625) estis angla dramisto.

John Fletcher
Persona informo
Naskiĝo	30-an de novembro 1579 (1579-11-30) en Rye
Morto	1-an de aŭgusto 1625 (1625-08-01) (45-jaraĝa) en Londono
Mortis pro	Naturaj kialoj vd
Mortis per	Pesto vd
Tombo	Southwark Cathedral (en) vd
Lingvoj	angla vd
Ŝtataneco	Reĝlando Anglio vd
Alma mater	Kolegio Corpus Christi The King's (The Cathedral) School (en) vd
Familio
Patro	Richard Fletcher (en) vd
Parencoj	Giles Fletcher (en) (onklo) Giles Fletcher (en) (kuzo aŭ kuzino) Phineas Fletcher (en) (kuzo aŭ kuzino) vd
Profesio
Okupo	dramaturgo poeto verkisto vd
vd	Fonto: Vikidatumoj

Vivo

John Fletcher naskiĝis en Rye (Sussex) kaj estis filo de Richard Fletcher, kiu estis episkopo de Worcester 1593-1594 kaj de Londono 1595-1596, kaj kapelano de Elizabeto la 1-a (Anglio).

En 1591 li eniris Corpus Christi College, Universitato de Kembriĝo. Ne certas ĉu li diplomiĝis. Ŝajne oni atendis ke li havus eklezian karieron, sed li iris al Londono kaj komencis verki teatraĵojn. Lia unua verko ensceniĝis en 1606. Ofte, kiel tiuepoke kutimis, li kunlaboris kun aliaj dramistoj. Ĝis 1613 lia ĉefa kunverkisto estis Francis Beaumont, kun kiu, laŭ John Aubrey, li loĝis ĝis ties edziĝo tiun jaron. Inter aliaj kunverkistoj estis Philip Massinger, William Rowley, Ben Jonson, James Shirley kaj Thomas Middleton. Dum la 1610-a jardeko liaj teatraĵoj tiom popularis kiom tiuj de William Shakespeare.

Li mortis pro pesto.

Verkoj

John Fletcher plej sukcesis kiel aŭtoro de komedioj kaj tragikomedioj. Inter la eble kvindek teatraĵoj kiujn li verkis kaj al kiuj li kontribuis estis:

• The Faithful Shepherdess (pastorala teatraĵo, 1608-1609)
• The Maid's Tragedy (La Tragedio de la Virgulino, kunverkita kun Francis Beaumont, 1609)
• Philaster (tragikomedio kunverkita kun Francis Beaumont, 1609)
• Henriko la 8-a (kunverkita kun William Shakespeare, ĉirkaŭ 1613)
• Two Noble Kinsmen (Du Nobelaj Parencoj, kunverkita kun William Shakespeare, ĉirkaŭ 1613)