Malfermi la ĉefan menuon

La Trezoro de l' Oraĵisto

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

La Trezoro de l' Oraĵisto [1] [2] estas romano de la kroata klasika verkisto August Šenoa, eldonita en la jaro 1872.

La Trezoro de l' Oraĵisto
La Trezoro de l' Oraĵisto
Aŭtoro August Šenoa
Eldonjaro 1911
Urbo Zagrebo
Eldoninto Nakladna Tiskara Antuna Scholza
Paĝoj 290
Information icon.svg
vdr

La libro estas tradukita en plurajn fremdajn lingvojn.

Fran Kolar-Krom esperantigis ĝin el la kroata. Tiu ĉi traduko aperis en la jaro 1911 290-paĝe en Zagrebo. Pri la kvalito de la traduko ekzistas malsimilaj opinioj. En la reto la romano estas legebla en PDF-formato.

EnhavoRedakti

La historia romano priskribas Zagrebon en la 16-a jarcento, analizas rilatojn inter burĝoj kaj nobeloj, inter la enlandanoj kaj eksterlandanoj (germanoj, turkoj), surbaze de historiaj dokumentoj. La precipaj figuroj, imprese bildigitaj, estas la maljuna oraĵisto Petar Krupiĉ, lia bela filino Dora, intriganto Grga Ĉokolin kaj Stjepka kaj Pavlo Gregorijanec.

RecenzojRedakti

 
 Multaj kunmetitaj vortoj trafe faritaj, bildesprimoj, rimarkindaj metaforoj
— 1929, Petro Stojan, Bibliografio de Internacia Lingvo, p. 371
 
 Belega bildo de la mezepoka kruela kaj persista interbatalado de l‘ Zagreba burĝaro kaj aristokrataro. La stilo tute ne estas malbona. La traduko enhavas strangaĵojn, kredeble naciismojn. 
— 1912, M. Ŝidlo, La Ondo de Esperanto, p. 72
 
 Maro da eraroj. 
— aprilo 1912, P. J. Cameron, The British Esperantist

Simile al P. J. Cameron recenzis ankaŭ aliaj.

ReferencojRedakti

Eksteraj ligilojRedakti