Leonardo Bruni

Leonardo BRUNI aŭ ARETINO (n. en 1369 - m. la 9-an de marto 1444) estis eminenta humanisto, historiisto kaj kanceliero de Florenco dum frua Renesanco. Li estas kelkfoje rigardita kiel la unua moderna historiisto.

Leonardo Bruni (1369-1444)
Itala eminenta historiisto, humanisto kaj kanceliero el Florenco
Persona informo
Naskiĝo	1369 en Florenco, Italio
Morto	9-a de Marto 1444 en Florenco, Italio
Tombo	Baziliko Santa Croce vd
Religio	katolika eklezio vd
Lingvoj	latina • greka • itala • antikva greka vd
Ŝtataneco	Respubliko Florenco vd
Profesio
Okupo	filozofo • verkisto • tradukisto • historiisto • politikisto • humanisto • skribisto vd
Laborkampo	humanismo • literaturo • historio • traduko vd
vd	Fonto: Vikidatumoj

Bruni naskiĝis en Arezzo (Toskanio), kaj estis la ĉefa lernejano de Coluccio Salutati. Li fariĝis lia posteulo kiel kanceliero inter 1410 kaj 1411, kaj denove ekde 1427 ĝis sia morto. La epoko de la kanceliero Bruni ne estis tiom tumultema kiom la antaŭaj jaroj : Florenco tamen daŭre partoprenis militojn. Bruni cetere ne estris la urbon tiom firme kiom sia antaŭulo, ĉar la familioj Albizzi kaj Mediĉoj iom post iom proprigis al si la veran urban potencon. Bruni estis identigita de Arthur Field kiel unu el la komplotanoj kontraŭ Kosimo de Mediĉo en 1437. Li mortis en 1444 kaj estis anstataŭita de la kanceliero Karlo Marsuppini.