Mervelier

Mervelier (malnova germanlingva nomo Morschwil) estas komunumo en la distrikto Delemonto en Kantono Ĵuraso, Svislando. Ĝi havis 562 loĝantojn je la 31-a de decembro 2009.

Mervelier
Blazono de Mervelier
Blazono de Mervelier
Mervelier
Mervelier
komunumo en Svislando
Kantono	Ĵuraso
Distrikto	Delemonto
Koordinatoj	47° 20′ 30″ N 7° 30′ 0″ O (mapo)
Nombro de loĝantoj	562
Areo	9,70 km²
Alteco	556 m super marnivelo
Poŝtkodo	2827
Komunumkodo	6715
Mapo de Mervelier
Situa mapo de Mervelier

Geografio

La komunumo Mervelier situas ĉe la orienta flanko de la Valkaldrono de Delemonto ĉe la bordo de la rivero Scheulte, alfluanto de Birs. La teritorio de la komunumo etendiĝas sur areo de 9,70 km², de kiuj 53% estas kovritaj de arbaro, 44% servas por agrikulturo kaj 3% por setlado.

Najbaraj komunumoj

La komunumo Mervelier limas al en nordo al Montsevelier, en nordoriento al Beinwil (Kantono Soloturno), en sudoriento al Schelten (Kantono Berno), en sudo al Vermes, kaj en okcidento al Corban.

Trafiko

Mervelier situas ĉe la pasejvojo tra Schelten-Pasejo de Delemonto al Mümliswil en Kantono Soloturno. Al la publika transportreto la komunumo estas konektita per buslinio de la stacidomo de Delemonto al Montsevelier.

Historio

La unua dokumenta mencio de Mervelier datiĝas el la jaro 1184 kiel Morswilre.

Dum la mezepoko ĝis la jaro 1793 Mervelier apartenis al la paroĥaro Grand-Val. La paroĥaro Grand-Val siavice troviĝis sub la regado de la Princabatejo Bazelo. De 1793 ĝis 1815 Mervelier apartenis al Francio, unue kiel parto de la departemento Mont-Terrible kaj poste ek de 1800 de la departemento Haut-Rhin. En la jaro 1815 la Viena Kongreso atribuis la regionon al la svisa Kantono Berno, kaj Corban estis atribuita al la berna distrikto Moutier. En la jaro 1975 la loĝantaro de Mervelier voĉdonis por la aliĝo al la fondota Kantono Ĵuraso. Tial la komunumo ekde la 1-a de januaro 1979 apartenas al la distrikto Delemonto de la tiam fondita nova kantono.

Kun efiko de la 1-a de januaro 2013 estis fondita el Montsevelier, Vermes kaj Vicques la nova komunumo Val Terbi. Origine volis partopreni ankaŭ komunumoj Corban, Courchapoix, Courroux kaj Mervelier, sed iliaj loĝantaroj dum la baloto de la 7-a de februaro 2012 malakceptis la kuniĝon, kial la nova komunumo nun konsistas nur el tri de la sep komunumoj de la valo. Pro la rezulto de la baloto la komunumo Mervelier konservis sian aŭtonomion.

Eksteraj ligiloj

• Oficiala retejo de la komunumo Mervelier
• Mervelier en la Historia Leksikono de Svislando

Bildoj

• 
  Preĝejo
• 
  Scheulte en la centro de Mervelier
• 
  Vilaĝa puto
• 
  Mervelier vidita de nordo