Rothenburg ob der Tauber

Ĝemelurboj
	Athis-Mons • Suzdal • Montagnana vd

	Rothenburg ob der Tauber
Rothenburg ob der Tauber (Germanio)
granda distrikturbo • urba komunumo de Germanio • vidindaĵo
Ĝemelurboj
	Athis-Mons • Suzdal • Montagnana vd
Administrado
Federacia lando	Bavario
Distriktaro	Meza Frankonio
Distrikto	Distrikto Ansbach
Urborajtoj	Urbo (Stadt)
Telefona antaŭkodo	09861
Poŝtkodo	91541
Aŭtomobila kodo	AN
Oficiala Municipokodo	09571193
Subdivido	38 urbopartoj (Stadtteile)
Politiko
Komunumestro	Walter Hartl
Titolo de komunumestro	Oberbürgermeister
Partio de komunumestro	„Für Rothenburg“
Adreso de la administrejo	Marktplatz 1; 91541 Rothenburg o.d.T
Demografio
Loĝantaro	11347 (stato 2022-12-31) [fonto: landa statistika oficejo]
Geografio
Geografia situo	49° 23′ N, 10° 11′ O (mapo)49.37722222222210.178888888889Koordinatoj: 49° 23′ N, 10° 11′ O (mapo)
Alto super la marnivelo	430 m
Areo	41,45 km²
Oficiala retejo	https://www.rothenburg.de/
	v • d • r

Rothenburg ob der Tauber ("ruĝa burgo ĉe la rivero Tauber") estas urba komunumo en Germanio. Ĝi troviĝas en la distrikto Ansbach kaj en la distriktaro Meza Frankonio de la federacia lando Bavario, inter Hajdelbergo kaj Nurenbergo. Fine de decembro 2022 la komunumo havis 11347 loĝantojn. Samtempe la komunumo estas la administra centro de komunumaro, nomata Verwaltungsgemeinschaft Rothenburg ob der Tauber.

Najbaras la komunumoj Steinsfeld, Neusitz, Gebsattel, Insingen, Rot am See, Blaufelden, Schrozberg kaj Creglingen.

Rothenburg konsideratas unu el la plej bone konservitaj mezepokaj urbetoj de Germanio - ĉiutage ĝin vizitas granda nombro da turistoj, inter ili multaj el Azio kaj Ameriko. Ĝi estas unu el pli multaj, simile grandaj urboj de tiu nomo en la lando - tion interalie konsternite spertis pluraj esperantistaj partoprenantoj de la internacia seminario de GEJ inter la 27-a de decembro 1977 kaj la 3-a de januaro 1978 en la urbo Rotenburg (en distanco de 230 kilometroj) en la centro de Germanio, kiuj malgraŭ la ripetaj avertoj de la organizantoj origine alvenis ne en la ĝusta urbo "Rotenburg", sed en Rothenburg ob der Tauber kaj en la ankoraŭ pli norda Rotenburg an der Wümme inter Bremeno kaj Hamburgo (en distanco de 550 kilometroj, en la lasta cetere kvaronjarcenton pli poste okazis la Internacia Seminario 2001/2002).