Mati (urbo)

Mati, - tagaloge Lungsod ng Mati - estas kvinaklasa komponenta universitata kaj marhavena urbego en Filipinoj, en insulo Mindanao, en Dabaa Regiono, kie ĝi estas sidejo de Orienta Davao. Mati havas 26 distriktojn. Mati devenis el indiĝena vorto Maa-ti, kiu rilatas al rivereto de la urbo, kiu facile sekiĝas eĉ post pluvego.

Larĝa panoramo pri marbordo de Mati

Mati
component city • urbego
Administrado
Poŝtkodo	8200
En TTT	Oficiala retejo [+]
Demografio
Loĝantaro	147 547  (2020) [+]
Loĝdenso	251 loĝ./km²
Geografio
Geografia situo	6° 57′ N, 126° 14′ O (mapo)6.9483333333333126.22722222222 [+]
Alto	98 m [+]
Areo	588,63 km² (58 863 ha) [+]
Horzono	UTC+08:00 [+]
Mati (Filipinoj) DEC Mati Situo de Mati
Alia projekto
Vikimedia Komunejo Mati, Davao Oriental [+]

Marborda promenejo en Mati

Geografio

Mati situas en sudorienta parto de la insulo laŭ golfo [1]. Regiona ĉefurbo Dabao troviĝas 72, Tagum kaj Panabo po 73, Digos 100, General Santos 150, Cebuurbo ĉefurbo 453, ĉefurbo Manilo 1025, Kezonurbo 1029, Laoag 1395 kilometrojn (aere) [2].

Historio

Al la indiĝenoj alvenis pluraj triboj portantantaj fortajn arabajn, hindajn kaj malajajn influojn. La oficiala hispana fondo okazis en 1861. La komunumo atingis pli altan statuson jam dum regado de Usono en 1903 kaj urbestraro estis elektita. Inter 1942-1945 la japanoj regis. Mati iĝis provinca ĉefurbo en 1967, en la malfruaj 1990-aj jaroj Mati atingis la internacian kriterion urbego (pli granda, ol cent mil), en 2007 ĝi ricevis la titolon sendependa komponenta urbo (laŭ filipina kriterio).

Marborda strando en Mati

Ekonomio

Ĉi tiu regiono estas ligita al la merkatoj de Mindanao, Malajzio kaj Indonezio. La loĝantoj laboras plejparte en la agrikulturo. Oni produktas bananojn, ananasojn, kokosojn kaj marajn fiŝojn. Pro la tropika naturo kaj strandoj la turismo rapide kreskas. Oni minadas kuprojn en la urba periferio.

Lingvoj kaj religioj

La cebua lingvo estas la plej vaste parolata lingvo (71,55%), krome ekzistas aliaj lokaj lingvoj.

Romkatolikismo estas la ĉefa religia grupo konsistanta el la 80% de la tuta loĝantaro. Islamo estas dua kun 8 procentoj.

Eduko

Mati estas la eduka centro de la provinco kun ŝtata universitato kaj 2 altlernejoj.

Trafiko

Mati estas atingebla voje laŭ la marborda ĉefvojo ambaŭflanke, krome kuras vojo al interno de la insulo. La triciklo estas la ĉefa transportilo ĉirkaŭ la urbo, inter la urboj la busetoj, kamionetoj kaj aŭtobusoj. La flughaveno estas planita funkcii. Ekzistas ankaŭ mara haveno.

Klimato

Mati situas en la ekvatora klimato. Jare pluvas po 2190 mm. En ĉiuj monatoj riĉe pluvas. La averaĝa jara temperaturo varias inter 23-30 °C. Ne estas grandaj diferencoj inter la monatoj.

Vidindaĵoj

• preĝejoj
• plaĝoj kun sportaj eblecoj
• muzeo (2014)
• 2 festivaloj

Fontoj

• WikiTrans