Universitato Nacia de Kordobo

Universitato Nacia de Kordobo
universitato • eldonejo de malfermita aliro
moto	Ut portet nomen meum; coram gentibus; Por ke li portu mian nomon; antaŭ la nacioj
Informoj
fondodato	1613
fondinto(j)	Jezuitoj vd
Situo
Geografia situo	31° 26′ 15″ S, 64° 11′ 16″ U (mapo)-31.4375-64.18777778Koordinatoj: 31° 26′ 15″ S, 64° 11′ 16″ U (mapo)
lando	Argentino
Nombroj
nombro de studentoj	178 288 vd (stato: 2022)
retejo	[<span%20class="official%20website">[1] Oficiala retejo]
Listoj
membro de
	• Coalition for Advancing Research Assessment vd
filioj
	• Córdoba Research Institute in Physical Chemistry ; • Enrique Gaviola Institute of Physics vd
	Universitato Nacia de Kordobo (Kordobo) Universitato Nacia de Kordobo
	Universitato Nacia de Kordobo (Kordobo) Universitato Nacia de Kordobo
	Universitato Nacia de Kordobo (Argentino) Universitato Nacia de Kordobo
	Universitato Nacia de Kordobo (Argentino) Universitato Nacia de Kordobo
	Universitato Nacia de Kordobo
	v • d • r

La Nacia Universitato de Kordobo (hispane Universidad Nacional de Córdoba, akronime UNC ) estas publika universitato situanta en Kordobo, la ĉefurbo de la samnoma provinco en Argentino ^[1].

Fondita en 1613, la universitato estas la plej malnova en Argentino, la tria plej malnova universitato de Amerikoj, kun la unua universitato estanta la Nacia Universitato de San Marcos (Peruo, 1551) kaj la dua, Universitato Sankta Tomaso de Akvino (Kolombio, 1580).

En la lastaj jaroj, estis pliiĝo en la nombro da studentoj kaj kunlaborantaro kaj en la studprogramoj, tiel establante ĝian pozicion kiel la due plej grandan universitaton en Argentino (post la Universitato de Bonaero).

Historio redakti

En 1610, la jezuitoj, kiuj ekloĝis en tiuj jaroj en la amerikaj landoj, fondis lernejon por la kristanoj en la Jezuitaj Ejoj, plejparte por instrui teologion. En 1613 la lernejo disetendiĝis kaj komenciĝis tendenco al altlernejaj studoj, estis establita biblioteko (kiu parto konserviĝis ĝis hodiaŭ) kaj kelkajn jarojn poste la establado de la universitato estis oficiale anoncita.

Studentoj levas la argentinan flagon sur la universitattegmento dum protesto, 1918

Dum plurcent jaroj, la status quo estis konservita en kiu la kontrolo de la universitato estis en la manoj de la jezuita pastraro, malgraŭ la liberalismo kiu prosperis en tiu tempo en aliaj universitatoj tra Ameriko. En 1918 eksplodis protesto de la universitatanoj, kiuj postulis liberecon kaj demokration. La protesta movado, kiu ricevis la subtenon de la registaro gvidita de Hipólito Yrigoyen, batalis por la efektivigo de reformoj en la universitato kaj sukcesis pasigi la necesajn reformojn.

Dum la armeaj diktatorecoj de 1966-1973 kaj 1976-1983, kelkaj el la demokrataj gajnoj estis inversigitaj. Ekde la demokratiigo de Argentino, la diskuto eksplodis pri la rolo de la universitato, kiu en Argentino estas tradicie libera kaj sen limigoj de aliro. En 2004, pro la troŝarĝo de kelkaj tre popularaj kursoj (precipe medicino), oni unue diskutis pri enkonduki superan limon por kandidatoj en kelkaj fakoj. Tamen, la jura bazo por tio ankoraŭ estas neklara.

Universitata Lernejo de Medicino

La universitato situas en la urbocentro kaj konsistas el pli ol 20 konstruaĵoj kiuj servas la diversajn fakultatojn. La universitatkonstruaĵoj estas konstruitaj ĉirkaŭ centra cirkla spaco kiu kutimis gastigi botanikan ĝardenon, sed nuntempe nur kelkaj bedoj kun arboj kaj arbustoj pluvivas. La konstruaĵoj estas faritaj el ŝtono kaj brikoj, kaj ĝia korto estas ĉirkaŭita de vastaj enirhaloj. La plankoj kaj la bazoj de la kelkaj kolonoj estas faritaj el marmoro. La ĉefenirejo al la universitato kaj la honorhalo estas tra ĉizitaj pordoj, kaj la fenestroj originas de la fino de la 19-a jarcento ^[2]. La universitata biblioteko enhavas multajn skribaĵojn, manuskriptoj kaj dokumentojn de la jezuitoj.