Kristandemokrata Unio de Germanio

La Kristandemokrata Unio de Germanio (germane Christlich Demokratische Union Deutschlands, CDU) estas partio en Germanio. Pluraj el la germanaj kancelieroj anis en ĝi; en 2005 ĝia Angela Merkel elektiĝis kancelierino.

Kristandemokrata Unio de Germanio
granda partio frata partio Kristan-Sociala Unio en Bavario politika partio en Germanio
Komenco	26-a de junio 1945 vd
Antaŭe	Kristandemokrata Unio de Germanio vd
Geografia situo	52° 30′ 23″ N, 13° 21′ 5″ O (mapo)52.50638888888913.351388888889
Lando(j)	Germanio vd
Sidejo	Konrad-Adenauer-Haus
Kristandemokrata Unio de Germanio (Berlino) DEC
Ideologio	kristana demokratio • konservativismo • liberala konservativismo • poreŭropismo
Ĝenerala(j) Sekretario(j)	Paul Ziemiak (2018–) Annegret Kramp-Karrenbauer (2018–2018) Peter Tauber (2013–2018) Hermann Gröhe (2009–2013) Volker Kauder (2005–2005) Ronald Pofalla (2005–2009) Laurenz Meyer (2000–2004) Ruprecht Polenz (2000–2000) Angela Merkel (1998–2000) Peter Hintze (1992–1998) Volker Rühe (1989–1992) Heiner Geißler (1977–1989) Kurt Biedenkopf (1973–1977) Konrad Kraske (1971–1973) Bruno Heck (1967–1971) vd
Partoj CDU board (en) , CDU Baden-Württemberg (en) , CDU Berlin (en) , CDU Brandenburg (en) , CDU Braunschweig (en) , CDU Bremen (en) , CDU Hamburg (en) , CDU Hannover (en) , CDU Hessen (en) kaj CDU Mecklenburg-Vorpommern (en) vd
Posedatoj	Union Betriebs-Gesellschaft mit beschränkter Haftung (en) Konrad-Adenauer-Haus (en) vd
Retejo	Oficiala retejo

Kristandemokrata Unio de Germanio
Christlich Demokratische Union Deutschlands
granda partio • frata partio • politika partio en Germanio
Lando	Germanio
Estro	Friedrich Merz
Fondiĝo	Post la Dua Mondmilito
Ĉefa sidejo	Klingelhöferstraße 8, 10785 Berlino
Ideologio	Kristana demokratio, centrismo
Internacia aliĝo	Centrodemokratia Internacio kaj Internacia Demokratia Unio en Eŭropa Unio: Eŭropa Popola Partio
Junulara organizaĵo	Junge Union
Retejo	www.cdu.de

CDU estis fondita post la Dua Mondmilito, kiam la venkintaj aliancanoj permesis denove fondon de partioj. Ĝiaj fondintoj estis liberaldemokratoj, politikaj katolikoj, kristan-socialuloj, konservativuloj kaj naciistoj. La fundamenta programo de CDU parolas pri la "kristana koncepto pri la homo kaj lia respondeco antaŭ Dio". Ĝia membildo estas tiu de "kristan-demokrata, liberala kaj konservativa partio de la centro". Male al la iama katolika "Centro" (Zentrumspartei) CDU celas aliancigi ĉiujn kristanajn konfesiojn en unu politika partio. Tamen ĝi akceptas ankaŭ homojn kun aliaj kredfundamentoj.

Kiel partio sur tutfederacia nivelo, CDU ekzistas ekde 1950. Apartaĵo de CDU estas, ke ĝi rezignis politikan aktivadon en unu el la germanaj regionaj ŝtatoj, nome Bavario. Tie agadas Kristansociala Unio en Bavario (Christlich-Soziale Union in Bayern, CSU). Kun ĝi CDU havas komunan frakcion en la federacia parlamento.

Kancelieroj el CDU

Jenaj anoj de CDU estis kancelieroj (ĉefministroj) de Federacia Respubliko Germanio:

• Konrad Adenauer (1949–1963)
• Ludwig Erhard (1963–1966)
• Kurt Georg Kiesinger (1966–1969), estro de "granda koalicio" (inter la du plej grandaj partioj, CDU kaj SPD)
• Helmut Kohl (1982–1998)
• Angela Merkel (2005–2021), 2005-2009 estrino de "granda koalicio", 2009-2013 estrino de koalicio kun la liberuloj, ekde 2013 estrino de "granda koalicio" kun la SPD.

GDR kaj reunuiĝo de Germanio

Post la unuiĝo de la du germanaj ŝtatoj en 1990, la kristandemokratoj el GDR aliĝis al la okcidenta CDU. Pro tio CDU gajnis subite multe da novaj membroj, sed perdis multajn el ili dum la venontaj jaroj. La orientgermanaj kristandemokratoj estas ofte pli liberalaj kaj nereligiemaj ol la okcidentaj.

CDU ekzistis ankaŭ en GDR kiel unu el pluraj partioj permesataj de la reganta komunista partio SED. Kiel ili, CDU devis akcepti la gvidan rolon de SED kaj ne havis enfluon en la politika vivo. Tamen ĝi rajtis havi parlamentanojn kaj ministrojn.

Partiestroj

• 1950–1966: Konrad Adenauer
• 1966–1967: Ludwig Erhard
• 1967–1971: Kurt Georg Kiesinger
• 1971–1973: Rainer Barzel
• 1973–1998: Helmut Kohl
• 1998–2000: Wolfgang Schäuble
• 2000–2018: Angela Merkel
• 2018-2021: Annegret Kramp-Karrenbauer
• 2021-2022: Armin Laschet
• ekde 2022: Friedrich Merz

Kiam CDU-ano estis kanceliero de Germanio, kutime li estis ankaŭ partiestro aŭ elektita tio iom poste. En 1971 partiestro iĝis Rainer Barzel, kiu en 1972 sensukcese provis transpreni la kancelierecon. En 1973 estro iĝis Helmut Kohl kaj restis ĝis 1998.

En 1998, kiam CDU malvenkis en la balotoj kaj Helmut Kohl estis akuzita pro kontraŭleĝa traktado de donacoj, partiestro iĝis Wolfgang Schäuble. En 2000 lin anstataŭis Angela Merkel.

Eksteraj ligiloj

• Oficiala retejo