Malfermi la ĉefan menuon

Johann Conrad Theodor EKHOF (naskiĝinta la 12-an de aŭgusto 1720 en Hamburgo, mortinta la 16-an de junio 1778 en Gotha) estis unu el la plej bonaj aktoroj de la 17-a jarcento. Pro siaj meritoj pri la teatro li kromnomiĝis "patro de la germana aktora arto".

Conrad Ekhof
Anton Graff 004.jpg
Persona informo
Naskiĝo 12-an de aŭgusto 1720 (1720-08-12)
en Hamburgo
Morto 16-an de junio 1778 (1778-06-16) (57-jara)
en Gotha
Tombo Ĉeftombejo de Gotha
Lingvoj germana lingvo
Ŝtataneco Germanio
Profesio
Profesio aktoro • teatra aktoro
Information icon.svg
vdr


18-jaraĝa li forlasis Hamburgon kaj ekdeĵoris kiel sekretario ĉe advokato. Poste li aliĝis en Lüneburg al trupo aktora fondita de Johann Friedrich Schönemann. Lia duka moŝto Kristiano Ludoviko la 2-a de Mecklenburg-Schwerin favore subtenadis la aktorojn kaj peris por ili eĉ kontrakton kun regulaj salajroj.


En 1735 Ekhof fondis ĉe la korteja teatro de Schwerin la Schönemann-societon (Schönemann-Gesellschaft), la unuan teatroakademion germanan. Pro kvereloj kun Schönemann li poste aliĝis al diversaj aliaj trupoj, por alveni finfine - pere de la dukino Anna Amalia - al la kortego de la duko Ernesto la 2-a de Saksio-Gotha-Altenburg. En Gotha li malfermis la teatrosezonon per la dramo Riĥardo la 3-a. Ĉar li sukcese arigis ĉirkaŭ si surloke restontan bonegan trupon da aktoroj, la urbo baldaŭ estiĝis centro teatra en la germanlingvaj landoj.


Ekhof aktoris brile kaj ege aŭtentike en la interpreto de figuroj ekzemple de Moliero, Diderot kaj Lessing. En la Kastelo Friedenstein videblas ĝis hodiaŭ la tutmonde plej malnova baroka teatro, kies meĥaniko sceneja originale konservita ankoraŭ funkcias. Ĉiu-jare okazas tie ĉi festivaloj en historia loko. Kolekto interesa klarigas pri la teatra vivo de tiu epoko kaj ties evoluo pli malfrue, dum longa tempo influita ankaŭ de Ekhof.

LiteraturoRedakti

  • Elisabeth Dobritzsch: Barocke Zauberbühne – Das Ekhof-Theater im Schloß Friedenstein Gotha. Weimar, Jena 2004, ISBN 3-89807-069-7.
  • Conrad Ekhof zum 200. Todestag. En: Gothaer Museumshefte. 1978.
  • Theo Girshausen: Bürger sollten Bürger für Bürger spielen. „Vater der deutschen Schauspielkunst“: Conrad Ekhof. En: Die Deutsche Bühne. 49/1978), p. 27.
  • Gerhard Piens: Conrad Ekhof und die erste deutsche Theater-Akademie. Berlin 1956.
  • Heinz Kindermann: Conrad Ekhofs Schauspieler-Akademie. Wien 1956.
  • Klaus Tudyka: Theater-Anekdoten – Von Ekhof bis Reinhardt. Berlin 1956.
  • Hugo Fetting: Conrad Ekhof – Ein Schauspieler d. 18. Jahrhundert. Berlin 1954.
  • Mecklenburgisches Staatstheater: Conrad Ekhof. Schwerin 1953.
  • Inge von Wangenheim: Zum 175. Todestag Konrad Ekhofs – Rede zur Gedenkfeier d. Akad. d. Künste u. Staatl. Kommission für Kunstangelegenheiten am 16. Juni 1953. Berlin 1953.
  • Ludwig Geiger: Ungedruckte Briefe Conrad Ekhofs. Berlin 1905.
  • Ekhof. In: Meyers Konversations-Lexikon. Band V. Leipzig 1888.
  • Joseph Kürschner: Conrad Eckhof's Leben und Wirken – Eine biographische Skizze. Wien u.a. 1872.
  • Otto Müller: Ekhof und seine Schüler. Leipzig 1863.

Eksteraj ligilojRedakti