Kratago

Kratago (latine: crataegus) estas genro de rozacoj, kies specioj estas arboj kaj arbedoj, plej ofte kun branĉodornoj, kun duope kontraŭsidantaj, dentorandaj, lobaj folioj, simetriaj, hiperginaj floroj havantaj blankajn – ĉe iuj kulturvarioj ruĝajn petalojn. Multaj specioj estas ĝardene kulturataj. La genro havas ĉirkaŭ 200 speciojn, kiuj havas infloreskon de tenda paniklo. La frukto estas ovo- aŭ globforma.

Kiel legi la taksonomion Kratago
Unustigma kratago
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonaj Magnoliopsida Ordo: Rozaloj Rosales Familio: Rozacoj Rosaceae Subfamilio: Maloideae aŭ Spiraeoideae Tribo: Pyreae aŭ Crataegeae Subtribo: Pyrinae Genro: Crataegus Tourn. ex L.
Species
See text
Aliaj Vikimediaj projektoj

Plej disvastiĝinta specio en Mezeŭropo estas la unustilusa kratago (C. monogyna). Ĝiaj folioj estas tranĉitaj, la ŝajnfrukto estas ruĝa.

La folio de dustilusa (tana) kratago (C. laevigata) estas mallonge loba, la ŝajnfrukto estas same ruĝa. Ĝi kreskas ĉefe en la montaraj aŭ montetaj regionoj, sed estas populara ornamplanto.

Ambaŭ menciitaj specioj havas florojn kun neagrabla heringa odoro.

Kuracplanto

Unustigma kratago

La unu- du- kaj kvinstigmaj kratagoj enhavas efikaĵojn, kiuj plibonigas la korfunkcion, sed ili havas senspasmigajn kaj kvietigajn efikojn. La efikaĵoj troviĝas en la folioj, fruktoj, floroj de la planto: flavonoidoj, aminoj, triterpen-derivaĵoj, kolino, acetilkolino, purin-derivaĵoj, amigdalino, pektinoj, antocianidoj kaj proantocianidoj. La du lastaj grupoj havas P-vitamin-similan efikon: malpliigas la traireblecon kaj rompiĝemon de la kapilaroj, krom tio ili protektas la C-vitaminon pro la oksidiĝo, tiel kreskigas ties kvanton en la ĉelo.

La efikaĵoj malpliigas (nerekte) la altan sangopremon kaj la kolesterolon nivelon de la sango.

Propilamino estas kemiaĵo kiu ĉeestas en la floroj de kratago.

Vidu ankaŭ

• Digitalo