Malfermi la ĉefan menuon

Magomet Isajev

sovetia kaj rusia lingvosciencisto kaj esperantisto

Magomet (foje ankaŭ Mahomet) Izmajloviĉ Isajev [isajef] (ruse Магомет Измайлович Исаев; naskiĝis la 5-an de marto 1928 en Lesken al oseta patrino kaj laka patro, mortis la 20-an de junio 2011 en Moskvo) estas sovetia kaj rusia esperantisto, profesoro pri lingvoscienco.

Magomet Isajev
Persona informo
Naskiĝo 5-an de marto 1928 (1928-03-05)
en Lesken
Morto 21-an de junio 2011 (2011-06-21) (83-jara)
en Moskvo
Lingvoj Esperanto
Ŝtataneco SovetunioRusio
Alma mater Faculty of Oriental Studies of the St. Petersburg University
Profesio
Profesio lingvistoesperantistoesperantologo
Information icon.svg
vdr


Anonco pri kreo de ASE en der esperantist kun mencio de Mahomet Isajev

Scienca agadoRedakti

Li estas fakulo pri iranaj lingvoj kaj sociolingvistiko, aŭtoro de multaj libroj pri tiuj fakoj. Li estas membro de Rusia Akademio de Naturaj Sciencoj.

En 1951 Magomet Isajev finis Leningradan Ŝtatan Universitaton, instruis en Moskva Ŝtata Universitato, Moskva Ŝtata Lingva Universitato, Rusia Universitato de nacia amikeco.

Kiel iranisto, Magomet Isajev multe kontribuis al esplorado de la digora dialekto de la oseta lingvo. Kiel sociolingvisto, li multe laboris pri esploroj de lingva situacio en multlingva Sovetunio.

Esperanto-agadoRedakti

Li esperantistiĝis en 1956. Li gvidis interlingvistikan grupon en la Instituto de Lingvoscienco en Moskvo. De 1979 ĝis 1989 li estis prezidanto de Asocio de Sovetiaj Esperantistoj. Li estis kunaŭtoro de Esperanto-lernolibro kaj aŭtoro de informa libro pri Esperanto. Krome li estis redaktoro de du interlingvistikaj artikolaroj. Li estis scienca gvidanto de doktorigaj interlingvistikaj disertacioj de Dina Lukjanec kaj Boris Kolker.


Por tiu ĉi artikolo estas uzitaj materialoj el la libro Vojaĝo en Esperanto-lando de Boris Kolker kun afabla permeso de la aŭtoro.

VerkojRedakti

  • E. A. Bokarev i interlingvistika; Problema iskusstvennogo jazyka meĵdunarodnogo obŝĉenija (1976)
  • Problemy interlingvistiki (1976)
  • Pri la lingvo de l' estonteco (1977)
  • Язык Эсперанто (Lingvo Esperanto) (1981)
  • Учебник языка Эсперанто (Lernolibro de lingvo Esperanto) (1984, kun Z. V. Semjonova)
  • Pri bazaj metodologiaj problemoj de interlingvistiko (1986)
  • Problemy meĵudnarodnogo vzpomogatel'nogo jazyka (1991)

Eksteraj ligilojRedakti

Vidu ankaŭRedakti