Michel Charasse
|
Por samtitola artikolo vidu la paĝon Charasse. |
Michel Charasse, naskiĝinta la 8-an de julio 1941 en Chamalières (Puy-de-Dôme), mortis la 21-a de februaro 2020, estis franca politikisto. Senatano de Puy-de-Dôme de 1981 en 1988, li estis poste nomumita ministro pri buĝeto. Reelektita kiel senatano en 1992, li estis eksigita el la Socialista Partio en 2008 kaj fariĝis membro de la Konstitucia Konsilio la 12-an de marto 2010.
| Michel Charasse | |||||
|---|---|---|---|---|---|
| Persona informo | |||||
| Michel Charasse | |||||
| Naskonomo | Michel Joseph Charasse | ||||
| Naskiĝo | 8-a de julio 1941 en Chamalières (Puy-de-Dôme) | ||||
| Morto | 21-an de februaro 2020 en Clermont-Ferrand | ||||
| Lingvoj | franca [#] | ||||
| Ŝtataneco | Francio [#] | ||||
| Alma mater | Instituto pri Politikaj Studoj de Parizo [#] | ||||
| Partio | SFIO poste PS (eksigita en 2008) | ||||
| Profesio | |||||
| Okupo | politikisto [#] | ||||
| Aktiva en | Parizo [#] | ||||
| |||||
| |||||
| Membro de la Konstitucia Konsilio | |||||
| Antaŭulo | Olivier Dutheillet de Lamothe | ||||
| Ministro pri buĝeto | |||||
| Dum | 2-a de aprilo – 2-a de oktobro 1992 | ||||
| Sekvanto | Martin Malvy | ||||
| Ministro delegita pri buĝeto | |||||
| Dum | 29-a de junio 1988 – 2-a de aprilo 1992 | ||||
| Sekvanto | Li mem (ministro) | ||||
| Senatano de Puy-de-Dôme | |||||
| Dum | 28-a de oktobro 1981 – 27-a de julio 1988 | ||||
| Dum | 2-a de oktobro 1992 – 6-a de marto 2010 | ||||
| [#] | Fonto: Vikidatumoj | ||||
BiografioRedakti
Li estis elektita urbestro de Puy-Guillaume en 1977. En 1981, post la elekto kiel prezidanto de la Respubliko de François Mitterrand, li fariĝis senatano de Puy-de-Dôme, por anstataŭi Roger Quilliot, nomumita ministro. Michel Charasse kuniĝis al la Elizea Palaco kun la titolo de konsilanto, kumulanta tiun oficon kun tiuj de parlamentano kaj de urbestro.
En junio 1988, li estis nomumita delegita ministro ĉe la ŝtatministro, ministro pri ekonomio, financoj kaj buĝeto, komisiita pri buĝeto, en la 2-a registaro de Michel Rocard, posteno, kiun li plu havis en la ministraro de Édith Cresson. Li restarigis la imposton sur la grandaj riĉaĵoj (IGF), nun solidareca imposto pri riĉaĵoj (ISF). La 2-an de aprilo 1992, li fariĝis ministro pri buĝeto en la ministraro de Pierre Bérégovoy. Reelektita senatano de Puy-de-Dôme per la balotoj de 1992, li forlasis la registaron kaj refariĝis konsilanto de la prezidanto Mitterrand.
Pro laikaj konvinkoj, Michel Charasse rifuzis eniri preĝejon. Tiel, okaze de la funebra ceremonio de François Mitterrand la 11-an de januaro 1996, li restis ekster la preĝejo de Jarnac, tenante la hundinon de Mitterrand per kondukilo, Baltika[1].
La 28-an de majo 2008, post rifuzo de lasta kompromiso proponita de ma nacia estraro, Michel Charasse kaj dek sep departementaj konsilianoj de Puy-de-Dôme estis eksigitaj el PS[2].
La 24-an de februaro 2010, Michel Charasse estis nomumita membro de la Konstitucia Konsilio de la prezidanto de la Respubliko, Nicolas Sarkozy[3].
Sintezo de liaj mandatojRedakti
- 1977 - 2010 : urbestro de Puy-Guillaume
- 1979 - 1987 : regiona konsiliano de Aŭvernjo
- 1981 - 1988 : senatano de Puy-de-Dôme
- 1988 - 1992 ; 1998 - 2001 : vicprezidanto de la Departementa Konsilio de Puy-de-Dôme
- 1988 - 1992 : delegita ministro, poste ministro pri buĝeto
- 1992 - 2010 : senatano de Puy-de-Dôme
- 1988 - 2010 : Departementa konsiliano de Puy-de-Dôme, elektita en la kantono Châteldon
- ekde 2010 : membro de la Konstitucia Konsilio
PremiojRedakti
- Nomumita kavaliro de la Honora Legio per dekreto subskribita de la prezidanto de la Respubliko, Nicolas Sarkozy, por la promocio de la 1-a de januaro 2011[4].
Notoj kaj referencojRedakti
- ↑ « Michel Charasse : Fidelulo de François Mitterrand en la Konstitucia Konsilio » Arkivigite je 2010-03-01 per la retarkivo Wayback Machine, Francio-Soir, la 24-an de februaro 2010.
- ↑ « Michel Charasse eksigita el PS »[rompita ligilo], Le Monde, la 29-an de majo 2008. Alirita la 10-an de februaro 2009.
- ↑ Sarkozy nomme Charasse en la Konstitucia Konsilio, en la interretejo "lefigaro.fr" de la 23-a de februaro 2010
- ↑ Dekreto de la 31-a de decembro 2010 pri promocio kaj nomumo
