Pully
|
Por samtitola artikolo vidu la paĝon Pully (stacidomo). |
Pully estas urbo kaj komunumo en la Distrikto Lavaux-Oron en Kantono Vaŭdo, Svislando. Ĝi havis 17479 loĝantojn je la 31-a de decembro 2012.
| Pully | |||||
|---|---|---|---|---|---|
 | |||||
| Blazono de Pully | |||||
 | |||||
| Pully | |||||
| komunumo en Svislando • urbo en Svislando | |||||
| |||||
| Kantono | Vaŭdo | ||||
| Distrikto | Lavaux-Oron | ||||
| Koordinatoj | 46° 30′ 36″ N 06° 39′ 43″ O / 46.51000 °N, 6.66194 °O (mapo)Koordinatoj: 46° 30′ 36″ N 06° 39′ 43″ O / 46.51000 °N, 6.66194 °O (mapo) | ||||
| Nombro de loĝantoj | 17479 | ||||
| Areo | 5,85 km² | ||||
| Alteco | 423 m super marnivelo | ||||
| Poŝtkodo | 1009 (Pully) 1068 (Les Monts-de-Pully) | ||||
| Komunumkodo | 5590 | ||||
 | |||||
| Situa mapo de Pully | |||||
Geografio redakti
La komunumo Pully situas ĉe la nordokcidenta bordo de Lago Lemano oriente de la kantonĉefurbo Laŭzano, al kies aglomeraĵo ĝi apartenas. La okcidentan komunumolimon formas la rivero Vuachère, kaj en sudoriento la limon forma la rivero Paudèze. La komunumo konsistas el la urbo Pully kaj la vilaĝoj Chamblandes, La Rosiaz, Monts de Pully kaj Trois Chasseurs.[1]
La teritorio de la komunumo etendiĝas sur areo de 5,85 km², de kiuj 23,5% estas kovritaj de arbaro, 20,5% servas por agrikulturo kaj 55,5% por setlado. [2]
Najbaraj komunumoj redakti
La komunumo Pully limas en nordoriento al Savigny, en oriento al Belmont-sur-Lausanne, en sudokcidento al Paudex, en sudo al Lago Lemano, kaj en okcidento kaj nordo al Laŭzano.
Trafiko redakti
Tra Pully pasas la kantonaj ĉefvojoj n-ro 9 de Valezo tra Laŭzano al Vallorbe kaj n-ro 138 de Paudex laŭlonge de la lagobordo al Laŭzano. La plej proksima alveturejo al la svisa aŭtovojo A9, kiu en nordo pasas tra la komunuma teritorio, situas 1 kilometron sudokcidente de la komunumo en Laŭzano. La komunumo disponas pri stacidomo ĉe la trajnlinio de Svisaj Federaciaj Fervojoj de Laŭzano al Siono kaj ĉe la trajnlinio de Laŭzano al Friburgo kaj estas ankaŭ konektita al la loka busreto de Laŭzano.
Historio redakti
La unua dokumenta mencio de Montpreveyres datiĝas el la jaro 994 kiel Pulliacum. En la jaro 1826 sur la komunuma teritorio estis trovita tombokampo el la neolitiko kun proksimume 30 tomboj. En la 10-a jarcento la burgonja reĝofamilio donacis bienojn kaj kampojn en Pully al la Priorejo Payerne. Ek de tiam la jurisdikcio pri Pully apartenis al la episkopo de Laŭzano. Ĝis 1555 unu el la plej grandaj bienposedantoj en Pully estis la grafo de Grejerco. Sub la berna regado de 1536 ĝis la Helveta Revolucio de 1798 Pully apartenis al la Voktejo Laŭzano. Post la revolucio ĝi formis subdistrikton de la Distrikto Laŭzano. Kun efiko de la 1-a de januaro 2008 ĝi surbaze de la administra reformo de 2006 estis atribuita al la nova Distrikto Lavaux-Oron.[3]
Famaj personecoj redakti
Charles Ferdinand Ramuz, verkisto, mortis en Pully la 23-an de majo 1947.
Ĝemelaj urboj redakti
Ĝemelurbo de Pully estas Obernai en la Departemento Bas-Rhin en Francio.
Notoj kaj referencoj redakti
- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Patrick Moinat, Catherine May Castella kaj André Schmutz: Pully en Historia Leksikono de Svislando (2012-01-12)
Vidu ankaŭ redakti
Eksteraj ligiloj redakti
- Oficiala retpaĝo de Pully Arkivigite je 2013-07-28 per la retarkivo Wayback Machine
- Vidu ankaŭ en la Vikimedia Komunejo la kategorion Pully – (Kolekto de bildoj kaj plurmediaj dosieroj)