Malfermi la ĉefan menuon

Sebastião Salgado estas brazila fotisto, vivante en Parizo kaj mondkonata pro lia unika stilo de dokumentara fotografio, stilo de fotografado kiu dokumentas la realan vivon por kiu li vojaĝis en pli ol 100 landoj. Liaj fotoj montras kio estas la efiko sur homoj, kiam iliaj vivoj estas determinataj de malriĉeco, malsato, industriiĝo kaj politika premo. Li publikigis plurajn fotolibrojn pri ĉi tiu socia problemaro por kiuj li ankaŭ ricevis diversajn premiojn[1]. Lia fotaro estis tutmonde montrita kaj publikigita en revuoj kaj gazetoj. En 1986 li estis nomata "fotografa ĵurnalisto de la jaro" fare de la Internacia Centro de Fotografio[2]. Liaj fotoj faras nin pripensi pri la esencaj valoroj de la vivo, sciante ke lia ĉefa temo estas la homoj. Liaj fotoj provas kapti la dignon kaj integrecon de la homo kaj ne pretas provoki kompatemon, kiel multaj aliaj fotofrafoj farante fotojn pri la tria mondo[3].

Sebastião Salgado
Sebastiao Salgado 2014.jpg
Persona informo
Naskiĝo 8-an de februaro 1944 (1944-02-08) (75-jara)
en Aimorés
Lingvoj franca lingvobrazilportugala lingvoangla lingvo
Ŝtataneco Brazilo
Alma mater Universitato de Parizo • Universitato de San-Paŭlo
Subskribo Sebastião Salgado
Familio
Edz(in)o Lélia Wanick Salgado
Infano Juliano Ribeiro Salgado
Profesio
Profesio photojournalist • pentristo
TTT
Retejo https://www.amazonasimages.com
Information icon.svg
vdr
Sebastião Salgado. Monda Socia Forumo/2003. Marcello Casal Jr/ABr

Li estas fondinto de la „Instituto Terra“, ekologia organizaĵo dediĉita al la daŭrebla evoluo de la Valo de la rivero Doce, enkadre de kiu li subtenas agrikulturistojn rearborigi kaj vivi kun la arboj. La Valo de la rivero Doce situas inter la ŝtatoj de Minas Gerais kaj Espírito Santo kaj estas regiono kiu dum jarcentoj suferis de senĉesa senarbarigo kaj nekontrolita ekspluatado de naturaj rimedoj[4].

Salgado havas novaĵagentejon, nomata Imagens da Amazônia, fondita je 1994, kiu spegulas lian laboron.

Eksteraj ligilojRedakti

ReferencojRedakti

  1. (angla) Biografio: Sebastião Salgado, The Guardian, 11 september 2004
  2. (angla) Sebastiano Salgado, teksto el The Photography Encyclopedia
  3. (angla) Sebastião Salgado, Internacia centro de fotografio (ICP), Novjorko
  4. (angla, portugala) O sonho de plantar uma floresta deu origem ao Instituto Terra, Instituto Terra.