94-a SAT-Kongreso 2021
La 94-a SAT-kongreso okazis inter la 23-a de julio kaj la 26-a de julio 2021[3] plejparte enrete, kun eblo por tiuj, kiuj rajtis vojaĝi tra Eŭropo, veni ĝis Bjalistoko, Pollando, naskiĝurbo de L.L. Zamenhof, kiam tiu estis parto de la Rusa Imperio. Przemysław Wierzbowski prezentis kaj la urbon kaj la planitan disvolvigon de la SAT-Kongreso dum la 92-a SAT-Kongreso 2019 okazinta en Barcelono, precize la 10an de aŭgusto 2019. Tiu okazigo estis entuziasme aprobita de la kongresanoj.
| 94-a SAT-Kongreso 2021 | ||
|---|---|---|
| Loko | sen valoro | |
| Ekde | 23-a de julio 2021[1] | |
| Ĝis | 26-a de julio 2021[2] | |
| Organizanto | Sennacieca Asocio Tutmonda, Bjalistoka Esperanto-Societo | |
| Oficiala retejo | sat | |
| ← Antaŭa | Sekva → | |
Unue la kongreso en Bjalistoko estis planita por la jaro 2020, pro Pandemio de KOVIM-19 estis prokrastita je unu jaro[4][5] Finfine la kongreso okazis laŭplane kaj oni decidis klopodi okazigi la venontjaran kongreson en Moskvo, fizike se la pandemio permesas tion aŭ denove virtuale, se okazos malo.
Deklaracio de la 94-a Kongreso de SAT redakti
La 94-a Kongreso de Sennacieca Asocio Tutmonda (SAT) okazinte perinterrete de la 23‑a ĝis la 26‑a de julio 2021 :
- Konfirmas la daŭrantan sindediĉon de SAT al la emancipaj celoj, kiuj motivis ĝian fondon antaŭ cent jaroj;
- Konstatas, ke kapitalismo kaj naciismo, foje eĉ faŝismo, plu grave baras la vojon al solvo de la problemoj ligitaj al klimatŝanĝiĝo, kiujn frontas la homaro;
- Bonvenigas la progreson de la scienco kaj la ektrovon de vakcino kontraŭ KOVIM-19, kaj postulas, ke la vakcinoj estu distribuataj juste tra la mondo, kaj ke la farmaciaj kompanioj ĉesu profiti de la katastrofo;
- Tiucele postulas senpatentigon de la vakcinoj, tiel ke ili povu esti libere produktitaj far la popoloj mem;
- Alvokas ĉiujn partiojn en la konflikto isreala-palestina sin deteni de teritoriaj aneksoj kaj militaj agoj, kiuj malproksimigas akordiĝon de la konfliktantaj grupoj;
- Apogas la lukton de la popolo de Okcidenta Saharo kontraŭ la okupacio fare de Maroko kaj deziras la tujan liberiĝon de tiu, kiu estas nomata la lasta kolonio de Afriko, kaj alvokas al reamikiĝo inter ambaǔ popoloj;
- Solidariĝas kun la lukto de la sindikato Kannama en Japanio por laboristaj rajtoj kaj kontraŭ ŝtata subpremo de sindikataj agadoj, kaj apogas ĝian strebon konstrui tendencon por laboristaj sindikatoj laŭindustriaj;
- Kondamnas strebojn de la registaroj en Hungario kaj Pollando, kiuj celas diskriminacie limigi la bazajn civilajn rajtojn, precipe tiujn de gejoj, lesboj, ambaŭseksemuloj kaj transgenruloj (GLAT).
Gvidrezolucio de la 94-a Kongreso de SAT redakti
La 94-a SAT-Kongreso okazinta perinterrete de la 23‑a ĝis la 26‑a de julio 2021 :
- Salutas la organizadon de reta kongreso en dua jaro sinsekve, vokante al kiel eble plej amasa partopreno – organize kaj ĉeeste – en laŭeble surloka kongresado jam en 2022;
- Instigas aliĝi al la venontjara kongreso en Moskvo inter 2022-07-30 kaj 2022-08-06;
- Petas la Plenum-Komitaton kaj Eldonan Fakon Kooperativan de SAT pritaksi la eblon pli ol ĝis nun eldoni librojn kaj broŝurojn en bitlibraj formatoj taŭgaj por legiloj, kaj ellabori starpunkton pri la prezdifinado resp. senkosteco de tiaj eldonaĵoj;
- Instigas la membraron pli engaĝiĝi en provizado de la SAT-retejo kaj redakciaj laboroj por Sennaciulo kaj Sennacieca Revuo.
Vidu ankaŭ redakti
Eksteraj ligiloj redakti
- Kongresa retejo Arkivigite je 2020-08-08 per la retarkivo Wayback Machine kun detala programo Arkivigite je 2021-07-18 per la retarkivo Wayback Machine
- Informo pri la Kongreso en la retejo de SAT
- SAT kongresis virtuale, raporto de la 93a Kongreso de SAT de Przemysław Wierzbowski en La Ondo de Esperanto + deklaracio 20200819
- Malfermo en Jutubo
Prelegoj redakti
- Prelego de Vinko Markovo pri la fondintoj de SAT dum la virtuala SAT-kongreso de 2021.
- Prezento de la represo de la libro Vojaĝo al Kazohinio fare de Przemysław Wierzbowski dum la virtuala SAT-kongreso de 2021.
- Prelego de Ŝana Paz en Jutubo dum SAT-kongreso pri la Revolucio de la Diantoj
- Prelego de Roger Prieto en Jutubo dum SAT-kongreso pri la Portugala Komunista Partio
- Prelego de Brandon Sowers Upton Sinclair kaj Esperanto en Jutubo
- Prelego de Ralph Dumain Centjariĝo de Stanislaw Lem kaj centjariĝo de R.U.R. de Karel Ĉapek, kun socipolitikaj aldonoj kaj temo de robotoj, en Jutubo
Kunsidoj redakti
- Laborkunsido 4 Pridiskuto kaj voĉdonado de la Gvidrezolucio kaj Deklaracio de la Kongreso, en Jutubo
- Liberecana Frakcio en Jutubo
Referencoj redakti
- ↑ URL de referenco: https://eventaservo.org/e/sat94
- ↑ URL de referenco: https://eventaservo.org/e/sat94
- ↑ La kongreso ĉe Eventa Servo
- ↑ Kongresa retejo. Arkivita el la originalo je 2020-08-08. Alirita 2021-07-18.
- ↑ SAT kongresos en Bjalistoko en 2020 ĉe la retpaĝo de SAT