Abbas Kiarostami
Abbas KIAROSTAMI (perse: عباس كيارستمي naskiĝis la 22-an de junio 1940 en Teherano, mortis la 4-an de julio 2016 en Parizo, Francio) estis Irana filmproduktanto kaj filmreĝisoro, eble la plej fama mondskale[1]. Krome, Kiarostami estas konata kiel dezajnisto, fotisto kaj poeto.
| Abbas Kiarostami | |||||
|---|---|---|---|---|---|
.jpg)
| |||||
| Persona informo | |||||
| عباس کیارستمی | |||||
| Naskiĝo | 22-an de junio 1940 en Teherano | ||||
| Morto | 4-an de julio 2016 (76-jara) en 14-a arondismento de Parizo | ||||
| Mortis pro | stomaka kancero • surgical complications [#] | ||||
| Etno | Iranaj popoloj [#] | ||||
| Lingvoj | angla • persa [#] | ||||
| Ŝtataneco | Irano [#] | ||||
| Alma mater | Teherana universitato [#] | ||||
Subskribo 
| |||||
| Familio | |||||
| Infanoj | Bahman Kiarostami [#] | ||||
| Profesio | |||||
| Okupo | filmreĝisoro • scenaristo • fotisto • filmproduktoro • poeto • filmmuntisto • aktoro • pentristo • skulptisto • kameraisto • grafikisto • ilustristo • fotoĵurnalisto • redaktoro • Produktoro [#] | ||||
| Laborkampo | skribo • kinarto • filmo • vidigaj artoj • poezio • fotografio [#] | ||||
| Aktiva dum | 1962–2016 [#] | ||||
| |||||
| [#] | Fonto: Vikidatumoj | ||||
Li laboris kiel grafikisto en reklamo kaj en ilustrado de infanlibroj. Infanoj iĝos preskaŭ konstantaj protagonistoj en multaj liaj filmoj kaj la delikateco uzata de Kiarostami en reĝisorado de ili preskaŭ fariĝos lia varmarko.
Li fondis en 1970 la kinartan fakon en la "Instituto por la Intelekta Disvolvado de Infanoj kaj Novjunuloj", kio iĝis grava nuntempa centro por filmverkado.
Plej tipaj ecoj de liaj filmoj estas utiligado de neprofesiaj rol-ludantoj kaj film-temoj simplaj sed tre simbolriĉaj. La filmoj de Kiarostami havas multajn influojn de irana poezio, precipe moderna poezio[2][3].
Kvankam li produktis sian unuan mallongan filmon en 1970, daŭris ĝis la 1990-aj jaroj antaŭ ol liaj filmoj unue estis montritaj ekster Irano.
Kiarostami ricevis multajn internaciajn premiojn kaj estis premiinto dum festivaloj, inkluzive de Cannes (Ora Palmo, 1997), Venecio (4 premioj, 1999), Kinfestivalo de Locarno (3 premioj, 1987) kaj aliaj.
Li estas gajninto de multaj filmpremioj, inkluzive de la "Ora Palmo" dum la 50-a Festivalo de Cannes (por la filmo "Gusto de Ĉerizo" en 1997.
Mallongaj filmojRedakti
FilmojRedakti
- La raporto (1978)
- La unua-klasanoj (1985)
- La hejmtasko
- Kie estas l' amika domo? (1087) Surbaze de samtitola poemo far Sohrab Sepehri, unu el la plej famaj poetoj kaj pentristoj de nuntempa Irano.
- La vivo, kaj nenio plu Daŭrigo de Kie estas l' amika domo post forta tertremo de Rudbaro
- Tra la olivarboj (1995)
- Gusto de ĉerizo (1997, drama filmo kiu ricevis "Oran Palmon" en la Cannes filmfestivalo), projektita dum la Dua Internacia Kongreso pri Interkultura Komunikado IKIKO (17-an de decembro 2021) kun subtekstoj en Esperanto[4]. La filmo "Gusto de ĉerizo"j estis malpermesita en Irano[5],
- La vento kunportos nin (2000) Surbaze de samtitola poemo de Forug Farroĥzad, la plej renoma poetino de nuntempa Irano.
- dek
ReferencojRedakti
- ↑ (en) The world's 40 best directors. Arkivite la 28-an de septembro 2013.
- ↑ (en) Sheibani, Khatereh (2006). Kiarostami and the Aesthetics of Modern Persian Poetry. Taylor & Francis
- ↑ (en) Sheibani, Khatereh (2011). The Poetics of Iranian Cinema: Aesthetics, Modernity and Film After the Revolution, I. B. Tauris & Co.
- ↑ (eo) Reta kinejo de Universala Esperanto-Asocio, la 18-an de decembro 2021
- ↑ (en) O'Connell, Max, 10 Things Abbas Kiarostami Said at Syracuse, Indiewire, la 4-an de aprilo 2014.
Eksteraj ligilojRedakti
- Abbas Kiarostami ĉe Interreta filma datumbazo (angle)
- Kinfilmo 'Gusto de ĉerizo', YouTube
- http://zeitgeistfilms.com/directors/akiarostami/ Arkivigite je 2006-08-30 per la retarkivo Wayback Machine
- http://www.iranian.com/Arts/Aug98/Kiarostami/
- http://www.sensesofcinema.com/2002/great-directors/kiarostami/