Chardonne VD
|
- La mallongigo VD en Chardonne VD staras por la svisa Kantono Vaŭdo. Por aliaj signifoj de la nomo vidu sub Chardonne. |
Chardonne estas komunumo en la distrikto Riviera-Pays-d’Enhaut en Kantono Vaŭdo, Svislando. Ĝi havis 2755 loĝantojn je la 31-a de decembro 2011.
| Chardonne | |||||
|---|---|---|---|---|---|
 | |||||
| Blazono de Chardonne | |||||
 | |||||
| Chardonne | |||||
| komunumo en Svislando | |||||
| |||||
| Kantono | Vaŭdo | ||||
| Distrikto | Riviera-Pays-d'Enhaut | ||||
| Koordinatoj | 46° 28′ 36″ N 6° 49′ 37″ O / 46.47667 °N, 6.82694 °O (mapo)Koordinatoj: 46° 28′ 36″ N 6° 49′ 37″ O / 46.47667 °N, 6.82694 °O (mapo) | ||||
|
| |||||
| Nombro de loĝantoj | 2755 | ||||
| Areo | 10,32 km² | ||||
| Alteco | 586 m super marnivelo | ||||
| Poŝtkodo | 1803 | ||||
| Komunumkodo | 5882 | ||||
 | |||||
| Mapo de Chardonne | |||||
Geografio
redaktiLa komunumo Chardonne situas ĉe la norda bordo de Lago Lemano, 17 kilometrojn oriente de Laŭzano kaj 3 kilometrojn okcidente de Vevey. La rivero "La Salence" formas ĝian okcidentan limon kun Saint-Saphorin (Lavaux). La plej alta punkto de la komunumo estas kulmino de monto Mont Pèlerin kun alteco de 1080 m s.m., sur kiu situas sendoturo de Swisscom. Al la komunumo apartenas la vilaĝo Chardonne kaj la vilaĝetoj Baumaroche, Monts de Chardonne kaj Paully. Apud la lagobordo ekzistas tendumejo.[1]
La teritorio de la komunumo etendiĝas sur areo de 10,32 km², de kiuj 32,8% estas kovritaj de arbaro, 50,5% servas por agrikulturo kaj 15,4% por setlado. [2]
Najbaraj komunumoj
redaktiLa komunumo Chardonne limas en nordo al Granges, en nordnordoriento al Attalens (FR), en oriento al Jongny, en sudoriento al Corsier-sur-Vevey, en sudo al Corseaux, en sudokcidento al Lago Lemano, en okcidento al Saint-Saphorin (Lavaux), kaj en nordokcidento al Puidoux.
Trafiko
redaktiTra Chardonne pasas la kantona ĉefvojo n-ro 12 de Friburgo al Vevey kaj la svisa aŭtovojo A9, kies plej proksima alveturejo situas ĉe la vojnodo kun la svisa aŭtovojo A12 tri kilometrojn oriente de la komunumo. Ĉe la lagobordo tra la komunumo pasas krome la kantona ĉefvojo n-ro 140 de Vevey al Laŭzano. Al la publika transportreto la komunumo estas konektita pere de la funikularo de Vevey tra Chardonne al Mont-Pèlerin.
Historio
redaktiLa unua dokumenta mencio de Chardonne datiĝas el la jaro 1001 kiel Cardona. Ĝis 1079 Chardonne apartenis al la Abatejo Saint-Maurice, poste ĝi estis parto de la Grandparoĥo Corsier. Sub la berna regado de 1536 ĝis la Helveta Revolucio de 1798 Chardonne apartenis al la Voktejo Laŭzano, civiljure ĝi tamen estis ek de 1706 administrita de la Voktejo Oron. En 1798 estis kreita la politika komunumo Chardonne, kiu estis atribuita al la Distrikto Vevey, kiu ĝis 1803 apartenis al la Kantono Lemano kaj poste al la tiam fondita Kantono Vaŭdo.[3]
Famuloj
redaktiEn Chardonne VD mortis hungara pianisto Emánuel Moór.
Apartaĵoj
redaktiChardonne estas parto de la Vitejo de Lavaux. Ĉiuj jaroj je la fino de majo okazas, kiu altiras multnombrajn svisajn kaj fremdajn vizitantojn.[4]
Sur la teritorio de Chardonne situas le Mont Pèlerin, monto, kie situas tibet-budhisma monaĥejo kaj esplorcentro, same kiel en Rikon ĉe Zell ZH.
Ĝemelaj komunumoj
redaktiChardonne estas ĝemela komunumo kun 
Barbezieux-Saint-Hilaire, en departemento Charente en Francio, de 1986.
Vidu ankaŭ
redakti- Aliaj lokoj kun la nomo Chardonne
Notoj kaj referencoj
redakti- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Elisabeth Salvi: Chardonne en Historia Leksikono de Svislando (2003-11-11)
- ↑ Vidu: Reta informo pri la Vina Merkato de Chardonne[rompita ligilo]
Eksteraj ligiloj
redakti- Vidu ankaŭ en la Vikimedia Komunejo la kategorion Chardonne – (Kolekto de bildoj kaj plurmediaj dosieroj)
Bildoj
redakti-
Preĝejo de Chardonne
