Cassino

Ĝemelurboj
	Užice • Cavarzere • Steglitz-Zehlendorf • Zamość • Falaise • Tychy • Norda Jorko • Karlovy Vary • Ortona • Casino • Senglea • Leno • Olinda • Venafro vd

	Cassino
komunumo de Italio vd
Ĝemelurboj
	Užice • Cavarzere • Steglitz-Zehlendorf • Zamość • Falaise • Tychy • Norda Jorko • Karlovy Vary • Ortona • Casino • Senglea • Leno • Olinda • Venafro vd
Ŝtato	Italio
Regiono	Latio
Provinco	FR Frozinono
Geografia situo	41° 30′ N, 13° 50′ O (mapo)41.513.833333333333Koordinatoj: 41° 30′ N, 13° 50′ O (mapo)
Alto super marnivelo	40 m
Areo	82 km²
Loĝantaro	35 092 (2023)
Loĝdenso	421 loĝantoj/km²
Najbaraj komunumoj	Cervaro, Pignataro Interamna, Rocca d'Evandro (CE), San Vittore del Lazio, Sant'Apollinare, Sant'Elia Fiumerapido, Terelle, Villa Santa Lucia
Patrono	Benedikto de Nursio
Festa tago	30-a de oktobro
Nomo de loĝantoj	cassinesi
Poŝtkodo	03043
Imposta kodo	C034
Kodo laŭ ISTAT	060019
Telefona prefikso	0776
Estro
Retpaĝo	Oficiala retejo
	v • d • r

Por samtitola artikolo vidu la paĝon Cassino (stacidomo).

Cassino - prononco [kaSI:no] - estas urbo en centra Italio, origine konata kiel Casinum, kaj ĝi estis konsiderata ĉiam kiel sankta loko. La urbo troviĝas proksimume 120 km de Romo direkte al Napolo. Du cent jaroj antaŭ Kristo havis en la urbo sian vilaon ankaŭ romia imperiestro Marko Aŭrelio.

La urba komunumo situas en la regiono Latio kaj en la provinco Frozinono. Komence de 2023 en la komunumo vivis 35 092 loĝantoj sur areo de 83,42 kvadrataj kilometroj, kio rezultigas loĝdenson de 421 loĝantoj/km². Kristana patrono estas la sankta Benedikto de Nursio, kies memortago sekve estas la komunuma festotago.

Najbaras la komunumoj Cervaro, Pignataro Interamna, Rocca d'Evandro, Sant'Apollinare, Sant'Elia Fiumerapido, San Vittore del Lazio, Terelle kaj Villa Santa Lucia.

Mondfama estas la monaĥejo Monte Cassino, troviĝanta sur pinto de monto proksimume 520 metrojn super la urbo Cassino, kiun fondis en la jaro 529 sankta Benedikto. Samtempe li ĉi tie fondis monaĥejan ordenon de benediktanoj. En prekristanaj tempoj ĉi tie staradis templo de dio Apolono. La monaĥejo fariĝis signifa centrejo de klereco, kulturo kaj arto kun ampleksa biblioteko kaj raraj kolektaĵoj. Komence de la Dua Mondmilito la kolektejoj estis forveturigitaj kaj kaŝitaj en Vatikano. Pro sia signifa strategia situo super kuniglinio ĝis Romo estis la monaĥejo okupita de la armeo de nazia Germanio, kaj armeoj de aliancanoj - usonanoj, britoj kaj el aliaj landoj de la brita Komunumo de Nacioj, sed ankaŭ polaj kaj brazilaj soldatoj konkeris poziciojn de la germanoj ekde duono de majo de 1944 dum la Batalo de Monte Cassino. La monaĥejo, en kiu serĉis kaŝejon multe da fuĝintoj el vicoj de civila loĝantaro, estis tute detruita, temis pri la 5-a plej granda batalo de la Dua Mondmilito, dum kiu falis pli ol 100.000 soldatoj. La monaĥejo estis denove renovigita en la jaro 1952. Organizo de Unuiĝintaj Nacioj donis al la urbo Cassino honoran titolon La urbo de paco.