Flava ĥloropeto
La Flava ĥloropeto aŭ Brunkrona ĥloropeto (Chloropeta natalensis) estas afrotropisa specio de la genro de Flavaj silvioj aŭ Chloropeta de la familio de Akrocefaledoj; kiuj iam estis lokataj en la parafiletika grupo de Silviedoj.
 | ||||||||||||||
|---|---|---|---|---|---|---|---|---|---|---|---|---|---|---|
 Flava ĥloropeto
.jpg) | ||||||||||||||
| Biologia klasado | ||||||||||||||
| ||||||||||||||
| Chloropeta natalensis (Smith, 1847) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Temas pri specio tre flava, ĉefe en subaj partoj, de kio devenas la nomo kaj en Esperanto kaj en la latina scienca nomo kie Chloropeta” aludas al la flava koloro (el radiko de la antikva greka “ĥloro” kun signifo flava) kaj “natalensis al tiu sudafrika provinco. La supraj partoj el krono al vosto estas brunecaj. La beko estas rekta, fortika kaj kun pli bruna supra makzelo kaj pli rozkolora suba makzelo. La iriso estas nigreca kaj videblas ioma hela okulringo.
Ĝi troviĝas en centra kaj suda Afriko nome el Etiopio oriente al Niĝerio okcidente, kaj suden ĉefe en Sudorienta Afriko kaj nome en Angolo, Burundo, Kameruno, Centrafrika Respubliko, Respubliko Kongo, Demokratia Respubliko Kongo, Gabono, Kenjo, Malavio, Mozambiko, Ruando, Sudafriko, Sudano, Svazilando, Tanzanio, Ugando, Zambio kaj Zimbabvo. Ties natura habitato estas subtropikaj aŭ tropikaj humida arbaroj de malaltaj teroj aŭ sekaj arbustaroj. Ĝi estas surloke komuna en densa, humida vegetaĵaro laŭlonge de akvofluoj kaj je la bordoj de kareksejoj kaj arbaroj.
Ili kutime manĝas malalte en densa arbustaro kiu karakteras ties preferatan habitaton, kaptante senvertebrulojn kiel raŭpoj el folioj kaj branĉoj. Ili gvatas ankaŭ flugantajn termitojn kaj revenas al ripozejo post kapto por manĝi tie sian predon.
La reprodukta sezono estas el septembro al marto. La ino demetas 2-3 ovojn, kiuj estas kovataj ĉefe de la ino mem dum ĉirkaŭ 12 tagoj. Tamen ambaŭ gepatroj manĝigas la idojn, sed ankaŭ ĉefe la ino; elnestiĝo okazas post ĉirkaŭ 14-16 tagoj, kaj la junuloj sendependiĝas post ĉirkaŭ unu monato.
Referencoj
redakti- En la angla Arkivigite je 2015-10-12 per la retarkivo Wayback Machine
- BirdLife International 2004. Chloropeta natalensis[rompita ligilo]. 2006 IUCN Ruĝa Listo de Minacataj Specioj. Konsultita la 10an de julio 2007.
