Henri Barbusse

Henri BARBUSSE [barbüs], esperante Henriko Barbuso (naskiĝis la 17-an de majo 1874 en Asnières-sur-Seine, mortis la 30-an de aŭgusto 1935 en Moskvo) estis franca verkisto, konata pro sia engaĝiĝo flanke de la maldekstrularo.

Henri Barbusse
Persona informo
Henri Barbusse
Naskonomo	Adrien Gustave Henri Barbusse
Naskiĝo	17-an de majo 1873 (1873-05-17) en Asnières-sur-Seine,  Francio
Morto	30-an de aŭgusto 1935 (1935-08-30) (62-jara) en Moskvo
Mortis pro	pneŭmonito [#]
Tombo	Tombejo Père-Lachaise [#]
Lingvoj	franca [#]
Ŝtataneco	Francio [#]
Partio	Franca Komunista Partio [#]
Subskribo
Familio
Edz(in)o	Hélyonne Mendès [#]
Profesio
Okupo	verkisto • ĵurnalisto • scenaristo • biografo • romanisto • politikisto • pentristo • poeto • historiisto [#]
Verkado
Verkoj	Under Fire [#]
Honorigoj Honorigoj Premio Goncourt • Konkurso Ĝenerala • Militkruco 1914-1918 [#]
Membrecoj Membrecoj Akademio pri Sciencoj de Sovetunio • Rusia Akademio de Sciencoj [#]
[#]	Fonto: Vikidatumoj

Unue ligita kun la simbolismanoj, post la unua mondmilito li fariĝis pacifisto kaj komunisto.

Barbusse kaj Esperanto

Barbusse ne estis esperantisto, nur simpatianto, sed li klare komprenis ke la plena, mondskala utiligo de neŭtrala internacia lingvo havos tre profundajn konsekvencojn ne sole je nivelo internacia sed ankaŭ ene de la socio. Konsekvencoj pri kiuj ne-socie engaĝinta esperantisto apenaŭ estas konscia. Konsekvencoj kiuj rekte minacas konservativan mondbildon.

Li estis honora prezidanto de la 1-a Kongreso de Sennacieca Asocio Tutmonda en 1921 kaj amiko de la laborista Esperanto-movado. En 1921 li verkis artikolon en Esperantista Laboristo.

Verkoj

• Nous autres (Ni), novelaro, juno 1914, psikologiaj kaj pri morto, suferoj, kompatplena.
• L'Enfer, romano, 1908.
• Le Feu (Subpafe), romano pri la milito, 1915, lia plej konata verko
• Clarté (Eklumo), romano pri la milito, 1919, sed multe pli riĉa, kaj kun pli da libereco da esprimo, ol la unua, lia plej bona libro.
• La Lueur dans l'Abîme (Eklumo en la Abismo), 1920.

Rete legebla en Esperanto

• "Patrino", novelo el Ni pri malkovro de vivantula frateco per hororeco de morto

Eksteraj ligiloj

Trovu « Henri Barbusse » inter la Vizaĝoj de homoj rilataj al la ideo «Internacia Lingvo»

• Terres d'écrivains.
• Franclingva antaŭparolo al la Racia Kurso (1921), el la sesa reeldono de SAT-Amikaro (1946).
• Pierre Michel, Octave Mirbeau, Henri Barbusse et l’enfer Arkivigite je 2009-02-26 per la retarkivo Wayback Machine.
• Liberpensuloj