Isidor Isaac Rabi
Isidor Isaac RABI (29-an de julio 1898, Rymanów, nun en Pollando (tiam en aneksita Galicio, Aŭstrio-Hungario) – 11-an de januaro l988, Novjorko, Usono) estis usona fizikisto (pol-jud-devena), kiu ricevis Nobel-premion pri fiziko en 1944 pro malkovro (1937) de la mezura metodo de atomaj kolorbildoj, baziĝanta sur magneta rezonado de la atomaj kaj molekulaj faskoj.
| Isidor Isaac Rabi | |||||
|---|---|---|---|---|---|
Nobel-premiito 
| |||||
| |||||
| Persona informo | |||||
| Isidor Isaac Rabi | |||||
| Naskiĝo | 29-an de julio 1898 en Rymanów | ||||
| Morto | 11-an de januaro 1988 (89-jaraĝa) en Manhatano, Nov-Jorkio,  Usono
| ||||
| Religio | judismo vd | ||||
| Lingvoj | pola vd | ||||
| Ŝtataneco | Usono • Aŭstrio-Hungario vd | ||||
| Alma mater | Universitato Kolumbio • Universitato Cornell • John Jay Educational Campus vd | ||||
Subskribo 
| |||||
| Familio | |||||
| Edz(in)o | Helen Newmark vd | ||||
| Profesio | |||||
| Okupo | fizikisto • nuklea fizikisto • universitata instruisto • teoria fizikisto vd | ||||
| Laborkampo | atoma fiziko vd | ||||
| Doktoreca konsilisto | Albert Potter Wills vd | ||||
| |||||
| |||||
| vd | Fonto: Vikidatumoj | ||||
Liaj gepatroj translokiĝis en 1899 al Novjorko. Rabi diplomiĝis en 1919 pri kemio en la Universitato Cornell, poste studis fizikon kaj akiris gradon de Ph.D. en 1927 en Universitato Kolumbio.
Li daŭrigis esplorojn en Eŭropo kaj ekde 1929 instruis en la Universitato Columbia, kie iĝis en 1937 profesoro pri fiziko. Li gvidis inter 1940 kaj 1945 sciencistan grupon en Masaĉuseca Instituto de Teknologio, kiu evoluigis la radaro. Li estis konstanta membro de la ĝenerala konsila grupo de la Atomenergia Komisiono de 1946 ĝis 1956 kaj prezidis la grupon de 1952 ĝis 1956 – kiel posteulo de J. Robert Oppenheimer.
Li lanĉis la ideon de internacia instituto pri grandenergiaj fizikaj esploroj, realigita poste ne Ĝenevo, Svislando (kiel CERN). Li partoprenis en fondo de Landa Esplora Instituto Brookhaven (Upton, Novjorkio).
Lia plej grava scienca rezulto estas, ke li ellaboris en la 1930-aj jaroj la mezuran metodon de magnetaj specifaĵoj de atomoj, atomkernoj kaj molekuloj. Tiu metodo baziĝas je mezuro de magneta momanto de la atomkernaj protonoj.
Lia metodo ebligis tre precizajn mezurojn, laŭ kiu estiĝis praktikaj aplikoj kiel atoma horloĝo, masero, lasero kaj MR-bildigo.
Pri Edward Teller diris: "…la mondo estus multe li bona loko sen li".
Publikaĵoj (elekto) redakti
Sur retpaĝo de "American Physical Society Journal" oni menciis 48 laboraĵojn, kaj inter ili la plej citatajn:
- Space Quantization in a Gyrating Magnetic Field, I.I. Rabi, Phys.Rev. 51, 652 (1937), 558 citaĵoj,
- Measurement of Nuclear Spin, G. Breit and I.I. Rabi, Phys.Rev. 38, 2082 (1931), 300 citaĵoj,
- Use of Rotating Coordinates in Magnetic Resonance Problems, I.I. Rabi, N.F. Ramsey, J. Schwinger, Rev.Mod.Phys. 26, 167 (1954), 198 citaĵoj,
- A New Method of Measuring Nuclear Magnetic Moment, I.I. Rabi, J.R. Zacharias, S. Millman, P. Kusch, Phys.Rev. 53, 318 (1938), 179 citaĵoj
- The Molecular Beam Resonance Method for Measuring Nuclear Magnetic Moments. The Magnetic Moments of Li63, Li73 and F199, I.I. Rabi, S. Millman, P. Kusch, J.R. Zacharias, Phys.Rev. 55, 526 (1939), 154 citaĵoj,
- An Electrical Quadrupole Moment of the Deuteron The Radiofrequency Spectra of HD and D2 Molecules in a Magnetic Field, J.M.B. Kellogg, I.I. Rabi, N.F. Ramsey, Jr., J.R. Zacharias, Phys.Rev. 57, 677 (1940), 126 citaĵoj,
- The Magnetic Moments of the Proton and the Deuteron. The Radiofrequency Spectrum of H2 in Various Magnetic Fields, J.M.B. Kellogg, I.I. Rabi, N.F. Ramsey, Jr., J.R. Zacharias, Phys. Rev. 56, 728 (1939), 92 citaĵoj.
Eksteraj ligiloj redakti
- „I.I. Rabi, Nuclear Magnetic Resonance (NMR), and Radar” en: DOE R&D Accomplishments