Usona Filozofia Societo

Usona Filozofia Societo (angle American Philosophical Society) estas fondita en 1743 de Benjamin Franklin kaj aliaj usonaj sciencistoj por favori la sciencojn kaj helpi enkonduki utilajn eltrovaĵojn.

Usona Filozofia Societo
organizaĵo erudicia societo vd
Dum	1743 - nekonata/nuntempe
Geografia situo	39° 56′ 56″ N, 75° 8′ 59″ U (mapo)39.948753-75.149839
Usona Filozofia Societo (Pensilvanio) DEC Usona Filozofia Societo
Fondintoj	Benjamin Franklin vd
Membro de	Usona Konsilio de Erudiciaj Societoj vd
Sidejo	Filadelfio
Lando(j)	Usono
Partoj Partoj American Philosophical Society Library & Museum vd
Retejo	Oficiala retejo

Membroj

Fruaj membroj

• George Washington, John Adams, Thomas Jefferson, Alexander Hamilton, Thomas Paine, James Madison
• Eksterlandanoj: Alexander von Humboldt, Marie-Joseph Motier, markizo de La Fayette, Friedrich Wilhelm von Steuben, Tadeusz Kościuszko, Jekaterina Daŝkova

Postaj membroj

• Charles Darwin, Robert Frost, Louis Pasteur, John James Audubon, Linus Pauling, Margaret Mead, Thomas Edison, James Dwight Dana
• Pluraj membroj de Societo de la Cincinatuloj

Publikaĵoj

• Kolektitaj verkoj de Benjamin Franklin, Joseph Henry, William Penn kaj aliuloj amplesas ĉ. 400 volumojn

Internacia lingvo

En 1887 la societo elektis komitaton por ekzameni la sciencan valoron de Volapük. La komitato, sciante nenion pri Esperanto, kondamnis Volapükon kaj konstatis la verajn principojn, sur kiuj la lingvo internacia devas esti bazita, tute similajn al la principoj de Esperanto. La societo dissendis al ĉiuj klerulaj societoj de la mondo proponon pri internacia kongreso por starigi lingvon internacian laŭ tiuj principoj. L. L. Zamenhof, informite pri la proponita kongreso, en sia "Aldono al la dua libro" anoncis intencon lasi la decidon pri la eventuala formo de la lingvo internacia kaj la kontrolon de ĝia sorto al tiu kongreso. Tamen pro nesufiĉa respondo al la alvoko de la Usona Filozofia Societo la kongreso ne okazis. Henry Phillips, sekretario de la societo, fariĝis varma amiko de Esperanto kaj tradukis la unuan libron de Zamenhof.

Bibliografio

• James, Edward T. (1971). Notable American Women, 1607–1950: A Biographical Dictionary. Harvard University Press. ISBN 978-0-674-62734-5.

Vidu ankaŭ

• Bill Martin

Eksteraj ligiloj

• Oficiala retejo
• American Philosophical Society Museum Arkivigite je 2014-09-18 per la retarkivo Wayback Machine