Alexander von Humboldt

Alexander Freiherr von HUMBOLDT (naskiĝis la 14-an de septembro 1769 en Berlino, mortis la 6-an de majo 1859 en Berlino) estis germana sciencisto, naturalisto, geografo kaj esploristo.

Alexander von Humboldt
Persona informo
Alexander von Humboldt
Naskiĝo 14-an de septembro 1769 (1769-09-14)
en Berlino
Morto 6-an de majo 1859 (1859-05-06) (89-jaraĝa)
en Berlino
Tombo Schloss Tegel vd
Religio luteranismo vd
Etno Germanoj vd
Lingvoj francagermanahispana vd
Loĝloko rue Jacob • New Chambers vd
Ŝtataneco Reĝlando Prusio vd
Alma mater Alma Mater Viadrina • Technische Universität Bergakademie FreibergUniversitato de GöttingenFriedrich-Schiller-Universitato Jena vd
Subskribo Alexander von Humboldt
Familio
Patro alexander alonso vd
Patrino Marie-Elisabeth von Humboldt vd
Gefratoj Wilhelm von Humboldt vd
Edz(in)o
Parencoj Alexander Joseph von Steuben vd
Profesio
Okupo geologo • esploristo • botanikistogeografoĉambelano • oceanografo • demografo • vulkanologo • verkisto de vojaĝa literaturo • scienca verkisto • meteologo • universala klerulomecenatozoologo • natursciencisto • mineralogo • astronomo • klimatologo • etnologo • botanika kolektisto • ornitologo • mondovojaĝisto • ekonomikistopolitikisto vd
Laborkampo geografia botanio • ekonomia geografiogeografiometeologioplantosciencozoologiofiziko vd
Aktiva en Frankfurto ĉe Odro vd
Doktoreca konsilisto Georg Christoph Lichtenberg vd
Verkado
Verkoj Aspects of nature ❦
Cosmos vd
vd Fonto: Vikidatumoj
vdr

Kune kun sia frato Wilhelm von Humboldt [vilhelm fon humbolt] li studis unue en Frankfurt an der Oder kaj poste en Göttingen. Ekde la jaro 1790 la fratoj iris apartajn vojojn. Alexander daŭrigis siajn studojn en la Handelsakademie (= Komerca Akademio) en Hamburgo kaj en Bergakademie (= Minakademio) en Freiberg.

En 1792 Alexander von Humboldt fariĝis asesoro en minista departemento, sed lia forta intereso pri natursciencoj igis lin forlasi tiun ĉi postenon. La jarojn inter 1799 kaj 1804 li kune kun Aimé Bonpland pasigis kiel esploristo en Latinameriko. Li tie interalie modernigis geografiajn mapojn kaj esploris lokajn plantojn. La rezultoj de tiu vojaĝo poste estis fiksitaj en 34-voluma verkaro.

La lasta portreto de Alexander von Humboldt, pentrita de Julius Schrader dum 1859. En la fono videblas la ekvadora monto Ĉimborazo

En 1805 li doktoriĝis en la Universitato de Frankfurt/Oder kaj fariĝis membro de la prusa Akademio de Sciencoj. En 1829 Humboldt vojaĝis al Rusio kaj aparte Siberio. Li esploris la Kaspian Maron, la kemian staton de la akvo kaj lokajn fiŝojn. En 1844 aperis lia verko Central Asien (Centra Azio).

Humboldt daŭre prelegis kaj verkis. Lia plej fama verko estis la 5-voluma fizika priskribo de la mondo "Kosmos", eldonita inter 1845 kaj 1862. Cetere li ne nur okupiĝis pri natursciencoj, sed ankaŭ aktive partoprenis la politikan vivon en siaj loĝlokoj.

Vidu ankaŭ redakti

Galerio redakti

Eksteraj ligiloj redakti