Narmadapuram

Narmadapuram, laŭ (hindie होशंगाबाद) estas urbego kaj municipo en centra Barato, en subŝtato Madja-Pradeŝo, en la samnoma distrikto, kie ĝi estas ties sidejo. La oficiala loknomo estis Hoŝangabad ĝis 2021.

Narmadapuram
urbo
Administrado
Poŝtkodo	461001
En TTT	Oficiala retejo [+]
Demografio
Geografio
Geografia situo	22° 45′ N, 77° 43′ O (mapo)22.7577.72 [+]
Alto	278 m [+]
Horzono	UTC+05:30 [+]
Narmadapuram (Madja-Pradeŝo) DEC Situo de Narmadapuram
Narmadapuram (Barato) DEC Situo de Narmadapuram

Mozaika bildo pri Narmadapuram

Demografio

Narmadapuram havis populacion de 117 988 en 2011, la legopovo estis 73%, kiu estas pli alta, ol la barata mezumo. La iama Hoŝangabad atingis la internacian kvalifikon urbego (pli granda, ol cent mil) en fina parto de la 2000-aj jaroj.

Geografio

Narmadapuram situas 278 metrojn super la marnivelo laŭ suda bordo de Narmado. Itarsi troviĝas 16, Sehore 57, subŝtata ĉefurbo Bopalo 64, Betul 97, Ĉindvara 145, Kandva 176, Indaur 193, Pithampur 211, Ĝabalpur 230, tutlanda ĉefurbo Delhio 656, Mumbajo 661, Kolkato 1091 kilometrojn (aere) [1].

Ŝtuparo al la rivero

Historio

La komunumo origine ricevis sian nomon de rivero Narmado, sed baldaŭ la nomo estis ŝanĝita al Hoŝangabad post ŝaho Hoŝang.

Ekonomio

Narmadapuram estas agrikultura urbego, kie oni okupiĝas pri sojfaboj, iomete pri tritikoj. La grundoj estas tre fekundaj kaj la kamparanoj profitas ankaŭ la irigaciajn kanalojn. En la urbego mem produktado de paperoj okazas, krome estas metiistoj pri silkoj kaj ledoj, nature komercistoj. Ĉe la riverbordo oni kreas kahelojn, ĉar la rivero liveras la necesajn argilojn.

Lingvoj

En Narmadapuram la ĉefa lingvo estas la hindia lingvo.

Religioj

75% de la populacio estas hinduoj, krome islamanoj 20%, ĝajnistoj 3,7% kaj iomete ankaŭ aliaj religioj.

Eduko

En Narmadapuram ekzistas 11 altlernejoj filiigitaj al Universitato de Bopalo.

Trafiko

Ĝuste ĉe Narmadapuram la fervoja linio trairas la riveron inter Bopalo kaj Itarsi per ponto. 6 signifaj vojoj kuras al la urbego, 3 pontoj ankaŭ estas. La plej proksima flughaveno funkcias en Bopalo. Pri rivera navigado la fontoj silentas.

Klimato

Narmadapuram havas tropikan klimaton kun influo de musono. La plenjara pluvokanto estas 1250 mm. En ĉiuj monatoj pluvas, sed plej ofte inter junio-septembro pro la musono. La averaĝa jara temperaturo varias inter 19-33 °C.

Vidindaĵoj

• pluraj preĝejoj, plej ofte hinduaj temploj
• en la ĉirkaŭaĵo pitoreskaj intermontoj

Fontoj

• WikiTrans