Nicolas Mignard

Nicolas MIGNARD, (baptita la 7-an de februaro 1606 en preĝejo Sainte-Madeleine de Troyes en Ĉampanjo, mortis la 20-an de marto 1668), kromnomita « Mignard de Avignon », estis pentristo de la franca Baroka Pentrado kaj franca gravuristo, frato de Pierre Mignard. Li studis kun pentristo kies nomo estas nekonata.

Nicolas Mignard
Nicolas Mignard, memportreto, Muzeo Calvet, Avignon
Persona informo
Nicolas Mignard
Naskiĝo	ĉ. la  7-an de februaro 1606(nun 1606-02-07) en Troyes, Ĉampanjo
Morto	la 20-an de marto 1668 en Parizo
Nacieco	Franca
Lingvoj	franca vd
Ŝtataneco	Francio vd
Familio
Gefratoj	Pierre Mignard vd
Infanoj	Pierre II Mignard (en) , Paul Mignard (en) vd
Profesio
Okupo	pentristo gravuristo dezajnisto vd
Aktiva dum	1621–1668 vd
Verkado
Verkoj	The Shepherd Faustulus Bringing Romulus and Remus to His Wife ❦ Q29327092 ❦ Christ's arrival at Bethany ❦ Assumption of Mary vd
Sukcesis kiel	Pentristo
Artista nomo	Mignard d'Avignon
Artista celigo	Baroka Pentrado
Reprezentaj verkoj	Portretoj
Ekspoziciejoj Instituto de Arto de Minneapolis, Arta Instituto de Ĉikago, Nacia Galerio de Arto, Nationalmuseum, Palaco de Belartoj, Tokyo Fuji Art Museum (en) , Muzeo Carnavalet, Muzeo de Arto de Dallas, Nacia Muzeo en Varsovio, Bavaria Ŝtata Pentraĵaro, Nov-Meksika Muzeo de Arto, Muzeo de Arto kaj Historio de Narbonne, Patrick and Beatrice Haggerty Museum of Art (en) , Muzeo Granet, Calvet Museum (en) , Museum of John Paul II Collection (en) , Muzeo de Belartoj de Liono, Musée des Beaux-Arts d'Angers (en) , Muzeo J. Paul Getty, Muzeo Boijmans van Beuningen, Pierre de Luxembourg museum (en) kaj Belarta muzeo de Rennes vd
vd	Fonto: Vikidatumoj

Biografio

Nepo de Pantaléon Mignard, armil-komercisto, filo de Pierre Mignard kaj de Marie Gallois, li estas la frato de pentristo Pierre Mignard kromnomita « Mignard la Romano », kaj patro de Pierre II Mignard, kromnomita « la kavaliro Mignard ».

De 1635 al 1637, li trapasis 2 jarojn en Romo en Italio kopiante pentristojn Annibale Carracci kaj Francesco Albani. Poste, li establis sin en Avignon, kie li pentris por amatoro Amours de Théagène et de Chariclêe, kaj kie li edziĝis, pro kio li estis kromnomita Mignard de Avignon. Li ankaŭ laboris por eminentuloj kaj monaĥejoj.

Vokita al Parizo de Mazarin en 1660, li estis komisiita de Ludoviko la 14-a dekoracii plurajn apartamentojn de la teretaĝo de palaco de Tuileries.

Li estis akceptita de Akademio la 3-an de marto 1663 kaj fariĝis ties rektoro.

Li postlasis kvin gravuritajn tabulojn laŭ pentraĵoj faritaj de Annibale Carracci por galerio de palaco Farnese.

Verkoj

Multaj portretoj, inter kiuj tiu de la reĝo, de la reĝino, kaj de la plimulto de la nobeloj de la kortego, kaj ankaŭ:

• Samuel Bernard (kastelo de Chenonceau)
• Molière
• Simon Vouet

• 
  Portreto de Samuel Bernard
• 
  Portreto de Molière
• 
  Portreto de Simon Vouet (1590-1649)

• Dekoraciado de apartamentoj de Palaco de Tuileries

• Apolono kaj la kvar Sezonoj.
• Apolono kaj Pitono.
• Apolono kaj Midaso.
• Apolono kaj la tri Muzoj (videbla en Musée Calvet de Avignon).

Fonto

• Emmanuel Benezit, Dictionnaire critique et documentaire des peintres, sculpteurs, dessinateurs et graveurs de tous les temps et de tous les pays, Parizo, R. Roger kaj F. Chernoviz, 1911-1923, 3 tomoj

Bibliografio

• Antoine Schnapper, Mignard d'Avignon (1606-1668): catalogue de l'exposition Palais des Papes, Avignon, 25 juin-15 octobre 1979, Palais des Papes, Avignon, 1979, 176 paĝoj

Eksteraj ligiloj

• Nicolas Mignard en Artcyclopedia