Okcidenta Kablando
Okcidenta Kablando aŭ Okcidenta Kabo (afrikanse Wes-Kaap; kose iNtshona-Koloni; angle Western Cape) estas provinco en Sudafriko de 129 370 km². Ĝi havis laŭtaksan populacion de 7,212,142 en 2022, igante la provincon la tria plej popolriĉa en Sudafriko post Ĥaŭtengo kaj Kvazulu-Natalo. La ĉefurbo kaj plej granda urbo en Okcidenta Kablando estas Kab-urbo.
| Okcidenta Kablando | |||
|---|---|---|---|
| Provinco | |||
  | |||
 Blazono | |||
| provinco de Respubliko Sud-Afriko [+] | |||
| Lando | Sud-Afriko | ||
| Ĉefurbo | Kaburbo | ||
| - koordinatoj | 34° S, 20° O (mapo)-3420Koordinatoj: 34° S, 20° O (mapo) | ||
| Plej alta punkto | Seweweekspoortpiek [+] | ||
| - alteco | 2 325 m [+] | ||
| Plej malalta punkto | marnivelo [+] | ||
| - malalteco | 0 m [+] | ||
| Areo | 129 462 km² (12 946 200 ha) [+] | ||
| Loĝantaro | 7 113 776 [+] (1-a de julio 2021) | ||
| Denseco | 54,95 loĝ./km² [+] [+] | ||
| Guberniestro | Alan Winde | ||
| Horzono | UTC+02:00 [+] | ||
| ISO 3166-2 | ZA-WC | ||
|
|||
|
|||
 |
|||
| Okcidenta Kablando | |||
 Vikimedia Komunejo: Western Cape [+] |
|||
| En TTT: Oficiala retejo [+] | |||
La provinco estas unu el tri partoj de la malnova Kabprovinco. La provinco formiĝis en 1994. Antaŭ 1994, la regiono, el kiu nun konsistas Okcidenta Kablando, estis parto de granda (ne plu ekzistanta) Kabprovinco. Antaŭ la formiĝo de Unuiĝinta Sud-Afriko en 1910, ĝi estis nomata Kabkolonio.
Geografio redakti
La provinco Okcidenta Kablando limas en la nordo kun Noord-Kaap, en la oriento kun iMpuma-Koloni (Oos-Kaap), en la sudo kun la Hinda Oceano kaj en la okcidento kun Atlantiko. Insuloj de Princo Eduardo estas inkludita en la administrado de la provinco. La riveroj Breede kaj Berg estas gravaj riveroj en la provinco. La ĉefurbo estas Kab-urbo, kaj aliaj signifaj urboj estas inkluzivitaj Stellenbosch, Worcester, Paarl kaj George. La Garden Route (Ĝardena Itinero) kaj Overberg estas popularaj turistlokoj laŭ la marbordo.
La Okcidenta Kablando estas escepte topografie varia. La plej granda parto de la provinco apartenas al la Kaba faldzono, montaro el grejso de la Permio ĝis la Karbonio kiu etendiĝas inter 1000 kaj 2300 m super marnivelo. La valoj inter la montoj estas ĝenerale fekundaj. La partoj plej malproksimaj enlandaj estas parto de la Karuo kaj estas kutime sekaj kaj karakterizitaj per altaĵoj kun akra faŭlto en la nordo. La marbordaj regionoj varias de sablaj golfoj inter la kaboj al ŝtonaj kaj montaj en kelkaj lokoj. Okcidenta Kablando ankaŭ estas la plej suda parto de la afrika kontinento kun Kabo Agulhas kiel ĝia plej suda punkto, nur 3800 km de la marbordo deAntarkto.
La provinco konsistigas 10.6% de la suma areo de la lando. Ĝi estas proksimume la grandeco de Anglio.
Klimato redakti
Okcidenta Kablando ankaŭ varias klimate kun multaj malsamaj mikro- kaj makroklimatoj kreitaj de la varia topografio kaj la influo de kaj la Hinda Oceano (varma akvo) kaj la Atlantika Oceano (malvarma akvo), tial la klimataj statistikoj povas varii multe dum mallongegaj distancoj. La plej granda parto de la provinco estas konsiderita havi mediteranean klimaton kun malvarmaj, malsekaj vintroj kaj varmaj, sekaj someroj. La Karuo havas duonaridan klimaton kun malvarmaj, frostplenaj vintroj kaj varmaj someroj kun foja fulmotondro. La Garden Route kaj Overberg ĉe la suda marbordo havas maran klimaton kun malvarmaj, malseketaj vintroj kaj mildaj, malseketaj someroj. Mossel Bay en la Garden Route estas konsiderata kiel la dua plej milda klimato en la mondo post Havajo.
Fulmotondroj estas tre maloftaj en la provinco kun la escepto de la interno de la Karuo, dum la plej granda parto de la pluvokvanto ŝuldiĝas al veteraj frontoj aŭ orografio. Ekstrema varmo kaj malvarmo estas oftaj enlanden, sed malofte proksime de la marbordo. Neĝo estas ofta vintre en la pli altaj lokoj, sed frosto estas relative malofta en la marbordaj regionoj kaj en multaj el la tre kultivitaj valoj.
Edukado redakti
Okcidenta Kablando estas la plej altedukita provinco en Sudafriko. La ekzamenofteco de supera mezlernejo estas konstante ĉirkaŭ 80%, pli alta ol en iu alia provinco. [ bezonas referencon ]
La provinco havas du internacie agnoskitajn universitatojn, Stellenbosch University (afrikanse Universiteit Stellenbosch) kaj la Universitaton de Kaburbo (afrikanse Universiteit van Kaapstad, kose iUniversityet saseKapa). La kvalito de eduko restas problemo en antaŭe subevoluintaj lokoj kiuj estis produkto de la bantua eduka sistemo de rasapartismo. La sudafrika registaro montris grandan intereson pri promocio de la eduka sistemo kaj la kvalito ŝajnas pliboniĝi. [ bezonas referencon ]
Universitatoj: redakti
- Universitato de Stellenbosch
- Universitato de Kaburbo
- Universitato de Okcidenta Kabo (Universiteit van Wees-Kappland)
- Universitato de Teknologio de Kaba Duoninsulo
