Malfermi la ĉefan menuon
Rigas Feraios. Portreto fare de Andreas Kriezis.

Rigas Feraios (en greka: Ρήγας Φεραίος, aŭ literumita ankaŭ Rhegas Pheraeos, prononce [ˈriɣas fɛˈrɛɔs]) aŭ Velestinlis (Βελεστινλής, aŭ Velestinles, prononce [vɛlɛstinˈlis]; 1757 – 24a de Junio, 1798) estis greka verkisto, politika pensulo kaj revoluciulo, aktiva en la Moderna Greka Klerismo, memorita kiel greka nacia heroo, viktimo de la Balkana ribelo kontraŭ la Otomana Imperio kaj pioniro de la Greka milito de sendependiĝo.

Li veturis kaj partoprenis en politika agado tra Balkanio. Li studis pri la Franca Revolucio, kaj opiniis ke io simila povus okazi en Balkanio, rezulte en mem-regado de kristanaj popoloj for de Otomanoj; li disvolvigis subtenon por ribelo kunvenigante grekajn episkopojn kaj estrojn de gerilo.