Rodrigo de Castro
Rodrigo de Castro alias "David Nahmias", estis juddevena portugala kuracisto kaj aŭtoro de medicinaj verkoj, kies filo, André de Castro, same kuracisto, prizorgis la reĝon de Danio.[1] Li estas konsiderata unu el la patroj de la jura medicino. Lia alia filo, Benedictus de Castro (1597-1684), kiu studis en Padovo, ankaŭ estis aŭtoro kaj privata kuracisto de la sveda reĝino Kristina de Svedio.
| Rodericus a Castro (1550-1627) | ||
|---|---|---|
 "De universa muliebrium morborum Medicina", verko eldonita en 1662
| ||
| Persona informo | ||
| Naskiĝo | 1550 en Lisbono, Portugalio | |
| Morto | 1-a de februaro 1627 en Hamburgo, Germana regno | |
| Lingvoj | latina vd | |
| Alma mater | Universitato de Koimbro Universitato de Salamanko "Universitato de Évora" | |
| Familio | ||
| Dinastio | De Castro family vd | |
| Profesio | ||
| Okupo | verkisto • ginekologo vd | |
| vd | Fonto: Vikidatumoj | |
Rodrigo de Castro estis inter la iberiaj rifuĝintoj kiuj establiĝis en la libera regna urbo Hamburgo. Tre konata pro sia libro pri ginekologio (“De Universa Mulierum Medicina”), Rodrigo estis altstara figuro en la kortego de la dana reĝo, la ĉefepiskopo de Bremeno, la dukoj de Holstinio kaj Meklenburgo, kaj la Landgrafo de Hesio.[2] Rodrigo de Castro estis filo de la kuracisto Andreas Fernandes (Lisbono, 1546 - Hamburgo, 1627). Kuracisto en Évora kaj Lisbono, li rifuzis inviton iri al Hindio por daŭrigi siajn esplorojn pri Garcia de Orta kaj Christoval Acosta. Li fuĝis al Antverpeno kaj Hamburgo, kaj iĝis kuracisto de la reĝo de Danio.[3]
Biografio redakti
Rodrigo de Castro devenis el respektata kripto-juda familio, el kiu eliris multaj personaj kuracistoj de la portugala reĝa familio kaj ekleziaj altranguloj. Li studis medicinon kaj filozofion en universitatoj en Koimbro, Évora kaj Salamanko kaj praktikis kiel loĝanta kuracisto en Lisbono ekde 1587.
Li ne akceptis ordonon de Filipo la 2-a por ĉerpi kuracherbojn en Orienta Hindio. Anstataŭe li translokiĝis al Amsterdamo, kie li probable supozeble reprenis la judan kredon denove. Ĉirkaŭ 1592 li kaj lia bofrato Henriques Rodrigues atingis Hamburgon, kie li praktikis medicinon proksime al la Petrikirche.
Ĉar, kiel ginekologiisto, li povas transdoni sciojn pri Cezara sekco kaj epidemiologio aparte, li estis rapide rekonita kiel specialisto konata transe de la urbaj limoj de Hamburgo. Kiel persona kuracisto, li prizorgis la ĉefepiskopon de Bremeno, la reĝon de Danio, la dukojn de Holstinio kaj Meklenburgo, la landgrafon de Hesio kaj famajn civitanojn de Hamburgo.
Post kiam la pesto eksplodis en Hamburgo, en 1595, de Castro registris siajn spertojn unu jaron poste en la "Tractatus brevis de natura et causis pestis" (1596). En 1603 li verkis "De universa muliebrum morborum medicina", grava verko pri ginekologio aperinta en pluraj eldonoj.
En 1611, iu kronikisto priskribis la kuraciston kiel civitanon, kiu "same kiel la aliaj kristanaj kuracistoj" portis antaŭtukon, lanan kolumon kaj altan veluran kostumon, havis altan socian statuson kaj aperis memfida. En 1614, en "Medicus Politicus", li traktis muzikoterapion, la problemojn pri medicina etiko, kaj la moralan kaj religian pozicion, kiun la kuracisto havigis al si en la socio. Por ĉi tiu verko li uzis la verkojn de judaj kuracistoj precipe kiel fontojn.
De Castro estis implikita en disputoj kun la hamburga juda komunumo kaj iliaj rabenoj same kiel kun italaj rabenoj. La venecia rabeno "Leone de Morena" minacis de Castro en 1614 kun la ekskomuniko, ĉar li ne plenumis la postulon liberigi sian bofratinon Sara de la devo de levirata geedzeco.
Ĉar, laŭ lia opinio, la juda komunumo subigis sin al la leĝo de fremda komunumo, De Castro proponis al la komunumo la eblon prezenti plendon al la hamburga registaro kompense. Tiucele li verkis la libron "Tratado de Herem"[4] (Amsterdamo, 1617), kiu nun estas konsiderata perdita.
Kiam la Hamburga Banko fondiĝis en 1619, li estis unu el la unuaj homoj pagantaj deponaĵojn. Rodrigo de Castro estis edziĝinta al Katarina Ribka Rodrigues. Li estas sepultita en la juda tombejo de Altona.
Verkaro redakti
- Syntaxis Praedictionvm Medicarvm, Hamburgo, 1603
- De Meteoris Microcosmi, 1621
- Qvae ex qvibvs opvscvlvm in qvatuor libros diuisum, 1627
- Posthvma De Epilepsia Disceptatio, 1640
- Tractatus brevis de natura et causis pestis quae hoc anno 1596 Hamburgensem civitatem affligit ...], 1596
- De universa mulierum, 1603
- Medicus-politicus: siue De officiis medico-politicis ..., Hamburgo, 1614
- Tractatus de complexu morborum ..., 1624
- Castigationes Exegeticae Qvibvs Variorvm Dogmatvm, 1640
Literaturo redakti
Vidu ankaŭ redakti
- Amato Lusitano (1511-1568)
- Rodrigo da Fonseca (1550-1622)
- Estêvão Rodrigues de Castro (1560-1638)
- Zacutus Lusitanus (1575-1642)
- Uriel Da Costa (1585-1640)
- Joachim Curtius (1585–1642)
- Gabriel da Fonseca (1585-1668)
- Benedictus de Castro (1597-1684)
Referencoj redakti
- ↑ Juda Enciklopedio, La Familio Kastro, Volumo 4
- ↑ Jews and Medicine: An Epic Saga
- ↑ Jewish Physicians: A Biographical Index
- ↑ Traktaĵo de Herem, temas pri eseo pri malpermesoj en komunumoj)
