Rozkrucaj monografioj

La Rozkrucaj Monografioj aŭ Korespondaj Lecionoj (kiel AMORC foje nomas ilin) estis verkitaj en la frua parto de la 20-a jarcento de Harvey Spencer Lewis, fondinto kaj unua Imperatoro de AMORC.

Enkonduko

La monografioj klarigas la rozkrucajn instruojn kiel ilin ricevis kaj interpretis H. Spencer LEWIS. Poste la monografioj estis redaktitaj kaj aktualigitaj.

La monografioj estas presitaj kiel malgrandaj kajeroj, sed ili ne estas haveblaj al la ĝenerala publiko. Nur membroj de iuj rozkrucaj ordenoj havas aliron al ili. La enhavo de la monografioj estas konsiderata konfidenca.

Kvankam originale la monografioj estis ekluzivaĵo de AMORC, nuntempe ankaŭ kelkaj aliaj rozkrucaj ordenoj, kiuj originas el AMORC, uzas ilin.

Ekzemple, la Kunfrataro de la Rozkruco (CR+C) asertas ke ĝi proponas la originalajn LEWIS-ajn monografiojn, sen la modifoj kaj modernigoj de AMORC. La monografioj de CR+R enhavas piednotojn de Gary L. Stewart.

La nunaj monografioj de Rozkruca Ordeno, AMORC estas aktualigitaj laŭ novaj malkovroj, kaj lingve kaj stile modernigitaj.

La Rozkrucaj Monografioj de AMORC

Jen mallonga priskribo de tio kion rozkruca studento lernas en siaj unuaj kvin jaroj kiel membro de AMORC.

Ĉi tiu listo estas neoficiala kaj estas adaptita de la enkonduka libreto de AMORC Regado de la Vivo. Oficiala listo haveblas pere de diverslingvaj Grand-loĝioj de AMORC.

La instruoj estas dividitaj en Neofitan Sekcion kaj Templan Sekcion.

Neofita Sekcio

Enkondukaj Lecionoj

• Mistikaj sonoj
• Spirita Alĥemio
• Tempo kaj Spaco
• Homa kaj Kosma konscio
• Meditado

Unua Atrio

• Konsisto kaj Strukturo de Materio
• Povo de Pensado kaj Koncentriĝo
• Imagado
• Telepatio
• Mensa Projekcio

Dua Atrio

• Vitala Viv-Forto
• Nutrado
• Spirado
• Perceptado de la Aŭro
• Psika Vidkapablo

Tria Atrio

• Reenkarniĝo
• Karmo
• Libervolo
• Bono kaj Malbono
• Intuicio

Templa Sekcio

Unua Templa Grado

• Strukturo de Materio
• Elektro, Magnetismo, Elektromagnetismo kaj iliaj rozkrucaj difinoj
• Subatomaj Partikuloj
• Elementoj
• Materia Alĥemio

Dua Templa Grado

• Kosma Konscio
• Nia Subjektiva Konscio
• Imagado
• Memsugestio
• Psikologio kaj Mistikismo

Tria Templa Grado

• Kosma Celo de Vivo
• Vitala Viv-Forto
• Ĉela Vivo
• Viva kaj Neviva Materio
• Enkarniĝo de la Animo

Kvara Templa Grado

• Noumenoj kaj Fenomenoj
• Naturaj simboloj
• Artefaritaj Simboloj
• Mistikaj simboloj
• Sankta Arkitekturo

Kvina Templa Grado

• Taleso
• Solono
• Pitagoro
• Heraklito
• Demokrito
• Empedoklo
• Sokrato
• Platono
• Aristotelo

Sesa Templa Grado

• Konsisto de Sango
• Ĉela Konscio kaj Ĉela Sano
• Aŭtonoma Nervosistemo
• Rozkruca Terapio
• Sin-kuracado

Sepa Templa Grado

• Psika Korpo
• La Psikaj Centroj
• Naturo kaj Simboleco de Sonĝoj
• Psika Projekcio (eksperimentoj)
• Perceptado de la aŭro (eksperimentoj)

Oka Templa Grado

• Naturo kaj Ekzisto de Dio
• Regado de Karmo
• Reenkarniĝo de la Animo
• Kiel Rememori Pasintajn Enkarniĝojn (eksperimentoj)
• Preĝado

Naŭa Templa Grado

• Makrokosmo kaj Mikrokosmo
• La Kvar Principoj Tero, Akvo, Aero, Fajro
• Simboleco de la Kruco, Triangulo, Kvadrato, Cirklo, Rozkruco
• Mensa Alĥemio
• Eksperimentoj pri Telepatio, Telekinezo, Vibroturgio, Radiestezo, Nevidebleco, Agordiĝo kun Kosma Konscio

Vidu ankaŭ

• Rozkruca Ordeno, AMORC
• Kunfrataro de la Rozkruco
• Harvey Spencer Lewis

Eksteraj ligiloj

AMORC