Veľký Kamenec
Bazaj informoj redakti
Veľký Kamenec, hungare Nagykövesd estas vilaĝo en Slovakio, en Regiono Košice, en Distrikto Trebišov. La historia slovaka nomo estis Veľký Kevežd.
- Areo: 13 km²
- Supermara alteco: 123 m
- Loĝantaro: 810
- Poŝtkodo: 076 36
- Aŭtokodo: TV
- Telefonprefikso: 56
Situo redakti
Veľký Kamenec situas sur ebenaĵo sed rande sur malebenaĵo, laŭ la hungara landlimo (kontraŭe troviĝas Pácin kun limpasejo inter 1995-2008), laŭ flankovojoj. Kráľovský Chlmec troviĝas 15 km-ojn.
Historio redakti
La unua mencio pri la vilaĝo devenis de 1283. En 1323 menciiĝis ankaŭ fortikaĵo, kies posedantoj ofte ŝanĝiĝis. En 1451 la husanoj okupis la fortikaĵon, sed post 8 jaroj Matiaso la 1-a reokupis ĝin. Poste ĝi foje apartenis al Transilvanio, foje al Habsburgoj. En 1673 la aŭstroj bruldetruis la fortikaĵon. En 1910 loĝis en Nagykövesd 1089 da homoj, (1087 hungaroj, po 1 serbo kaj slovako). Ĝis Traktato de Trianon Nagykövesd apartenis al Hungara reĝlando, al Zemplén, al distrikto de Királyhelmec, poste al Ĉeĥoslovakio, fine ekde 1993 al Slovakio. Inter 1938-1944 Nagykövesd rehungariĝis. La unua Arbitracio de Vieno deklaris, ke tiuj komunumoj, kie la hungaroj vivas en majoritato, apartenu al Hungario. Post la 2-a mondmilito la hungaroj iĝis senrajtaj laŭ Dekretoj de Beneš. En 2001 loĝis en Veľký Kamenec 848 da homoj, (752 hungaroj, 85 slovakoj, 6 ciganoj, po 2 rutenoj kaj ukrainoj). Ekde 2008 ambaŭ landoj apartenas al interna zono de Schengen, sekve la limo estas senĝene trapasebla.
Vidindaĵoj redakti
- ruinoj de la fortikaĵo
- parko memore al Eŭropa Unio de 2004
- kastelo de Fischer (fiŝer), nun lernejo