Malfermi la ĉefan menuon

William Edward Collinson

angla lingvisto (1889 - 1969)

William Edward COLLINSON [KOlinsen] (naskiĝis la 4-an de januaro 1889 en Birmingham; mortis la 4-an de majo 1969 en Liverpolo) estis eminenta angla lingvisto kaj esperantisto.

William Edward Collinson
Persona informo
Naskiĝo 4-an de januaro 1889 (1889-01-04)
Morto 5-an de junio 1969 (1969-06-05) (80-jara)
Lingvoj InterlingvaoEsperanto
Ŝtataneco Unuiĝinta ReĝlandoUnuiĝinta Reĝlando de Granda Britio kaj Irlando
Alma mater Dulwich College
Profesio
Profesio lingvistoesperantisto
Information icon.svg
vdr

De 1914 ĝis 1954 Collinson estis profesoro de la germana lingvo ĉe la universitato de Liverpool. Krome li estis d-ro-John-Buchanan-lektoro de Esperanto ĉe tiu universitato. Kune kun Otto Jespersen kaj Edward Sapir li kunlaboris kun Alice Vanderbilt Morris por disvolvi la esplorprogramon de "International Auxiliary Language Association" (IALA, Internacia Helplingva Asocio). Kiel Edward Sapir kaj Otto Jespersen, estis membro de la konsila komitato por lingvistikaj esploroj de IALA. De 1936 ĝis 1939 li estis esplordirektoro de IALA[1].

En 1927 aperis lia populariga libro en Esperanto pri lingvistiko La Homa Lingvo[2]. Li estis viceprezidanto de Brita Esperanto-Asocio (BEA), membro de la Lingva Komitato kaj verkis artikolojn por multaj gazetoj kiel Literatura Mondo, Internacia Pedagogia Revuo, Lingva Kritiko, Esperantologio, La Brita Esperantisto, Heroldo de Esperanto ktp.

Li ankaŭ estis kunlaboranto de Centro por Esploro kaj Dokumentado kaj Internacia Scienca Universitato kie li donis 7 konferencojn. Li estis prezidanto de la Internacia Scienca Asocio Esperantista (ISAE) inter 1959 kaj1965 kaj dum longa tempo membro de la Akademio de Esperanto[3].

Eksteraj ligilojRedakti

BibliografioRedakti

Artikoloj de kaj pri William Edward Collinson en Elektronika Bibliografio de Esperantaj Artikoloj (EBEA)

Vidu ankaŭRedakti

ReferencojRedakti

  1. (angla) F.P. Gopsill, History of Interlingua, Panorama, Marto-Aprilo 1991.
  2. Historio de Esperanto, 1933
  3. Ivo Lapenna, Esperanto en Perspektivo, Faktoj kaj analizoj pri la internacia lingvo, 1974, Universala Esperanto-Asocio (UEA), Centro de Esploro kaj Dokumentado pri la Monda Lingvo-Problemo, pp 270, 513, 671, 683.