Xavér Ferenc Stéger
Xavér Ferenc Stéger [KsavEr] aŭ Franz Steger, laŭ hungarlingve kutima nomordo Stéger Xavér Ferenc estis hungarlanda-germana-kroata operkantisto, (tenoro).
| Xavér Ferenc Stéger | |
|---|---|
 Xavér Ferenc Stéger en 1911 | |
| Persona informo | |
| Naskiĝo | 2-an de decembro 1824 en Szentendre |
| Morto | 1-an de aprilo 1914 (89-jaraĝa) en Szentendre |
| Ŝtataneco | Hungario |
| Okupo | |
| Okupo | kantisto • operkantisto • tenor |
Xavér Ferenc Stéger [1] naskiĝis la 2-an de decembro 1824 en Szentendre, li mortis la 1-an de marto 1911 en Szentendre.
Biografio redakti
Xavér Ferenc Stéger devenis el germana familio, kiel membro de la germana minoritato. Multaj asertas, ke li havas kroatan radikon kiel Franjo Stazić. Li frekventis bazlernejon en sia naskiĝurbo, gimnaziojn en Buda kaj Jászberény. Li akiris apotekistan diplomon en Reĝa Universitato de Pest en aĝo 20. Jam dum la studentaj jaroj li violonadis, pianadis kaj kantadis en koruso. Li praktikadis laŭvice en apotekoj en sia naskiĝurbo, Esztergom, Bjelovar. Li aliĝis al la operejo de Zagrebo, kie li debutis en 1846 kiel Franjo Stazić. En la sekva jaro li kantadis en Vieno, samptempe li lernis kantoteknikon. En 1848 Gedeon Ráday (1806) invitis lin al Teatro Magyar de Pest. En 1850 li edziĝis, poste ili forlasis Hungarlandon kaj li kantadis en Prago, denove Vieno, Darmstadt. En la teatra jaro 1859 li estis en Nacia Teatro de Pest, poste aŭ en la pli gravaj hungarlandaj urboj, aŭ en diversaj urboj de Eŭropo. En la teatra jaro de 1873 li denove kantadis jam en la nova urbo Budapeŝto, poste li retiriĝis en sia naskiĝurbo. Li ricevis oran krucon de princlando Hessen kaj hispanan kavaliran ordenon, li estis nomumita honora membro de la nederlanda akademio.
El lia repertuaro redakti
- Gaetano Donizetti: Lucia di Lammermoor – Edgar (debuto en 1846 en Zagrebo)
- Vatroslav Lisinski: Ljubav i zloba (la unua nacia kroata opero) - Vukosan (1846, Zagrebo)
- Ferenc Erkel:
- Bánk bán — titolrolo (1848)
- Ladislao Hunyadi (opero) — titolrolo (1848)
- Báthory Mária - Miklós
- Giuseppe Verdi:
- Rigoletto – duko de Mantua
- Ernani – titolrolo (1849)
- Il Trovatore – Manrico
- Richard Wagner: Tannhäuser und der Sängerkrieg auf Wartburg — titolrolo
- Gioachino Rossini: Guilaumme Tell — Arnold
- Giacomo Meyerbeer:
- Le Prophète – János
- Les Huguenots – Raoul
- Friedrich von Flotow: Marta – Lionel
- Vincenzo Bellini:
- Norma (opero) – Severo
- La sonnambula – Elvino
- Daniel-François-Esprit Auber: La muette de Portici – Masaniello
- Ambroise Thomas: Mignon - Wilhelm Meister
Lia kontribuo redakti
- taglibro en 3 volumoj