Valea lui Mihai

Valea lui Mihai - jen rumane, prononco [valja luj miHAJ], hungare Érmihályfalva [ERmihajfalva], germane Michaelsdorf, prononco [MIhaelsdorf] - estas urbo en Rumanio nordokcidente de Marghita. Administre apartenas al ĝi la vilaĝo Ghenci.

Valea lui Mihai
Urbo
urbeto en Rumanio • limurbo
Ĝemelurboj Balmazújváros • Hajdúböszörmény • Hajdúnánás • Derecske • Debrecen • Tornaľa • 16-a distrikto de Budapeŝto • Baraolt vd
Lando	Rumanio
Distrikto	distrikto Bihor
Alinome	Érmihályfalva (hungare), Michaelsdorf (germane)
Iama hungara departemento	Bihar
Situo	47° 31′ N, 22° 8′ O (mapo)47.5222.13
Valea lui Mihai (Rumanio) DMS
Alto super maro	130 m
Poŝtkodo	415700
Loĝantaro	8 969 (en 2021, 10 631 en 2009)
Kodo laŭ SIRUTA	32036

Valea lui Mihai situas ĉe la landlimo al Hungario, 60 km sud-okcidente de Satu Mare, 50 km norde de Oradea kaj 50 km oriente de Debrecen. Kun ĉiuj ĉi tri urboj estas vojaj kaj fervojaj ligoj; inter Satu Mare kaj Oradea iras la nacia vojo 19 (samtempe eŭropa ŝoseo E671), al Debrecen iras la nacia vojo DN19C (ekde la landlimo hungaria vojo 48).

Loĝantaro

En 1910 ĝi nombris 6 255 loĝantojn (hungaroj); en 1992 10 505 (85 % da hungaroj), kaj laŭ la stato de 2021 en la urbo vivis 8 969 loĝantoj sur areo de 73,54 kvadrataj kilometroj, kio rezultigas loĝdenson de 122 loĝantoj/km².

Historio

Ĝi estis unue menciita skribe en 1270, kiam ĝi estis ankoraŭ dezerta. Ĝis 1919 ĝi apartenis al la Hungara reĝlando (Bihar).

Fonto

• Magyar nagylexikon

Renomaj personoj

• Béla Apáti Abkarovics (1880–1957): pentristo, grafikisto.Arto en Hungario.
• Gabriella Tóth Bartos (n. 1948): pentristino
• Sándor Bogáti (24-a de novembro 1917 – ?, Carei, ? 1997): instruisto, pentristo.
• Katalin Csűri 15-a de julio 1939): amatora popolkantistino kaj pentristino.
• István Csűry (n. 7-a de septembro 1956): reformita pastro, eklezia publicisto.
• Rózsa Dancs (n. 1945): verkistino, libroeldonistino, redaktorino, en Kanado.
• Károly Fekete (Érmihályfalva, 29-a de julio 1898 – Valea lui Mihai, 5-a de decembro 1981) pentristo.
• Gáspár Kéri (n. 18-a de aprilo 1952): dentkuracisto, etnografo
• Imre Kondor (3-a de januaro 1911 – Budapest, 10-a de julio 1990): filozofia verkisto, bibliotekisto.
• Lajos Kuthy (9-a de januaro 1813– Nagyvárad, 27-a de aŭgusto 1864): verkisto.
• József Nagy E. (1951): inĝeniero pri kemio, esperantisto.
• Zoltán Nagy (15-a de majo 1884 – Budapest, 4-a de julio 1945): poeto, verkisto, kritikisto.
• Zoltán Nánási (n. Oradea, 24-a de novembro 1934): muzeologo.
• Károly Nikodémusz (Hajdúszoboszló, 18-a de januaro 1887 – 9-a de marto 1978), Valea lui Mihai): verkisto, redaktoro
• Gyula Papp (1-a de januaro 1-a de januaro 1888 – Budapest, 4-a de marto 1954): geodeto.
• István Sass (3-a de aprilo 1945) fakverkisto pri matematiko kaj astronomio
• Bernát Sichermann (1-a de marto 1860 – Budapest, 2-a de marto 1934): advokato, jurverkisto.
• Ferenc Taar (n. 21-a de novembro 1924): direktoro de teatro, dramverkisto.
• Rózsa Telch-Dancs (n. 7-a de julio 1944): libroeldonistino, redaktorino.
• László Weith: pentristo.
• Pálné Vajda (10-a de decembro 1912 – Toronto [Kanado], 22-a de oktobro 1998): redaktoro.
• Zoltán Zelk (18-a de decembro 1906 – Budapest, 23-a de aprilo 1981): poeto, verkisto.

Eksteraj ligiloj

• Oficiala retejo (rumane)
• Administra mapo de la distrikto (rumane kaj hungare)

• 
  Situo en la distrikto
• 
  La urba blazono
• 
  Katolika preĝejo en Valea lui Mihai