Hajdúszoboszló

Hajdúszoboszló [hajdUsoboslO] estas urbo kaj tre signifa kuracbanloko en Hungario, en regiono Norda Ebenaĵo, en departemento Hajdú-Bihar, en Distrikto Hajdúszoboszló, kies centro estas.

Hajdúszoboszló
Hungaria urbo vd
Flago	Blazono
Administrado
Ĝemelurboj Dzierżoniów (2015–) Lanškroun (2013–) Kežmarok (1994–) Târnăveni (1991–) Bad Dürrheim (mul) (1989–) vd
Poŝtkodo	4200
En TTT	Oficiala retejo [+]
Demografio
Loĝantaro	23 918  (2024) [+]
Loĝdenso	100 loĝ./km²
Geografio
Geografia situo	47° 27′ N, 21° 23′ O (mapo)47.4521.383333333333 [+]
Areo	238,7 km² (23 870 ha) [+]
Horzono	Mezeŭropa tempo [+]
Hajdúszoboszló (Hungario) DEC Situo de Hajdúszoboszló
Alia projekto
Vikimedia Komunejo Hajdúszoboszló [+]

Hajdúszoboszló - hoteloj kaj banejoj

Situo

Hajdúszoboszló situas sur ebenaĵo, laŭ ĉefvojo kaj fervojo Budapeŝto-Debrecen. Tiu lasta urbo troviĝas 21, Hajdúböszörmény 29, Budapeŝto 207 km.

Historio

La komunumon mencias unuafoje skriba dokumento el 1075. Hajdúszoboszló estis komence vilaĝo, poste foirloko apud la sallivera vojo de Transilvanio al Szolnok. Pli poste ĝi iĝis kampurbo. La mezepokan urbeton detruis la tataroj (en turka soldo). Stefano Bocskay setligis tie en 1606 ĉevalistajn hajdukojn, sed la turkoj denove detruis la lokon en 1660.

Ĝi estis tipe agrikultura urbo ĝis la mezo de la 20-a jarcento, kiam oni trovis en la urborando riĉan tergaskampon kaj tiel la urbo iĝis unu centro de la tergasekspluato kaj servado en la Granda Hungara Ebenaĵo.

La urbo iĝis fama en Hungario pro la kuracakvo kaj banejoj. Oni trovis la unuan kuracakvon (73 °C) en 1925 (26-an de oktobro) dum tergasesploro. La kuracakvo entenas kuirsalon, jodon, bromon kaj radonon. La banejo daŭre pligrandiĝis ekde 1927 kaj oni deklaris ĝin en 1946 al kuracbanejo. Jare vizitas la lokon pli ol unu miliono da turistoj.

Vidindaĵoj

• Muzeo Stefano Bocskai
• Internacia Moderna Muzeo
• Potista muzeo
• Kalvinana preĝejo (Hajdúszoboszló)
• Preĝejo Sankta Ladislao (Hajdúszoboszló)
• Preĝejo Egido de Dionaskanto (Hajdúszoboszló)
• Urbodomo de Hajdúszoboszló

Famuloj

• en Hajdúszoboszló naskiĝis:
  • arkitekto Károly Kaszás
  • ekonomikisto Éva Kocsis
  • pedagogoj Lajos Agárdi, Pál Gönczy kaj András Galánfi
  • kuracistoj Endre Hőgyes kaj Gyula Kenézy
  • László Miskolczi (pentristo)
• en Hajdúszoboszló mortis:
  • filozofo József Halasy-Nagy
  • dancisto Erzsi Rév

Ĝemelurboj

• Bad Dürrheim, Germanio
• Târnăveni, Rumanio
• Kežmarok, Slovakio
• Luhacovice, Ĉeĥio
• Palanga, Litovio
• Valkeakoski, Finnlando
• Zyrardow, Pollando

Fontoj

• distancoj Arkivigite je 2016-03-04 per la retarkivo Wayback Machine