Amonia klorato

Amonia Klorato
Kemia formulo	NH4ClO3
CAS-numero-kodo	10192-29-7
ChemSpider-kodo	55411
PubChem-kodo	61491
Fizikaj proprecoj
Aspekto	etaj senkoloraj aŭ blankaj kristaloj
Molmaso	101.49 g mol−1
Smiles	O=Cl(=O)O.N
Denseco	2.42 g/cm3 (likva)
Fandopunkto	102 °C (malkomponiĝo)
Solvebleco:Akvo	28,7 g/100 g (0 °C) 115 g/100 g (75 °C)
Ekflama temperaturo	Ne brulema
Pridanĝeraj indikoj
Danĝero O Oksidiga agento F Brulema
GHS etikedigo de kemiaĵoj
GHS Damaĝo-piktogramo
GHS Signalvorto	Averto
GHS Deklaroj pri damaĝoj	H272, H319
GHS Deklaroj pri antaŭgardoj	P210, P220, P221, P264, P280
Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo (25 °C kaj 100 kPa)

Amonia klorato (formulo:NH₄ClO₃) estas kemia substanco estigita per neŭtraligo de la klorata acido kun amonia hidroksido, amonia karbonato aŭ "baria hidroksido" [(Ba(OH)₃]. La amonia klorato estas oksidagento uzata kiel eksplodaĵo. La substanco estas malstabila kaj danĝera. Amonia klorato kristaliĝas per etaj nadloj tre facile solveblaj en akvo.

Per varmigo, aŭ eĉ en meditemperaturo, amonia klorato malkomponiĝas ĉirkaŭ 102 °C kun liberigo de nitrogeno, kloro kaj oksigeno, kelkfoje kun eksplodo. Eĉ ĝiaj solvaĵoj estas malstabilaj. Pro la danĝera naturo de ĉi-substanco, ĝi devas konserviĝi nur en solvaĵoj kiam necesaj, kaj neniam permesi ties kristaliĝon.

2 NH₄ClO₃ → N₂↑ + Cl₂↑ 2 O₂↑ + 4 H₂O

Ĝi estas solvebla en diluita alkohola solvaĵo, tamen, ĝi estas nesolvebla en pura alkoholo. Kiel forta oksidanto, ĉi-produkto ne devas enmagazeniĝi kune kun brulemaj materialoj.

Sintezo

Amonia klorato estiĝas kiam oni reakcias amoniakon kun karbona duoksido kaj natria klorato. La karbona duoksido reakcias kun la akvo estigante la karbonatan acidon. La karbonata acido reakcias kun la natria perklorato estigante la nesolveblan natrian bikarbonaton kaj kloratan acidon. La klorata acido reakcias kun la amoniako estigante amonian kloraton. Laŭ la ekvacio:

NaClO₃ + H₂CO₃ + NH₃ = NaHCO₃↓ + NH₄ClO₃

• Interŝanĝa reakcio kun la amonia sulfato kaj la baria klorato:

${\mathsf {(NH_{4})_{2}SO_{4}+Ba(ClO_{3})_{2}\ {\xrightarrow {}}\ 2\;NH_{4}ClO_{3}+BaSO_{4}\downarrow }}$

• Reakcio inter la amoniako kaj la klorata acido:

${\rm {NH_{3}+HClO_{3}\rightarrow NH_{4}ClO_{3}}}$

Literaturo

• The Preparatory Manual of Explosives, Jared Ledgard
• Handbook of Inorganic Compounds, Dale L. Perry
• Selected Pyrotechnic Publications of K. L. and B. J. Kosanke, Part 4: 1995 ..., Kenneth L. Kosanke, Bonnie J. Kosanke
• Encyclopedia of the Alkaline Earth Compounds, Richard C. Ropp
• Encyclopedic Dictionary of Pyrotechnics: (and Related Subjects), K.L. Kosanke, Barry T. Sturman, Robert M. Winokur, B.J. Kosanke
• Chemistry of Pyrotechnics: Basic Principles and Theory, Second Edition, John A. Conkling, Chris Mocella
• Youtube