Antifa
Antifa aŭ Kontraŭfaŝisma Agado estas internacia reto de organizaĵoj kaj politikaj movadoj de maldekstremaj kaj radikalaj maldekstremaj kontraŭaŭtoritataj aktivuloj, kiuj metas al si la celon batali kontraŭ faŝismo en ĉiuj ĝiaj formoj. Militantaj movadoj de la radikala maldekstro tra Eŭropo, la Ameriko kaj ankaŭ en Aliaj mondregionoj komencis aperi en la 1930-aj jaroj kadre de la batalo kontraŭ faŝismo, rasismo kaj la ascendo de dekstra ekstremismo. Membroj de Antifa kontraŭbatalas faŝismon, rasismon, naciismon, seksismon, homofobion kaj transfobion.
.jpg)
Agado de Antifa kutime inkluzivas distribuadon de flugfolioj, disvastigon de informoj en la Interreto kaj organizado de manifestacioj. En kelkaj landoj kiel Francio, Antifa estas identigita kun la nigra bloko, kiuj uzas perforton kontraŭ policanoj kaj sekurecgardistoj pro polica perforto kaj kontraŭe al la polica ŝtato. Antifa grupoj estas administritaj laŭ la principoj de anarkiismo, la formo de decidofarado estas bazita sur interkonsento, kaj ekzistas neniu formala hierarkio. Krom la agado surstrata, ekzistas ankaŭ antifaj grupoj ĉe la futballudoj, kaj ene de la muzika scenejo, ĉefe punkroko kaj hiphopaj grupoj .
Germanio redakti
En 1932, la germana grupo "Antifaschistische Aktion" estis fondita. Ĝi inkluzivis multajn sekciojn de la maldekstro en Germanio tiutempe, inkluzive de la socialdemokratoj, la komunistoj, la anarkiistoj kaj la progresemaj kristanoj. La movado akiris rekonon post kiam ĝi estis publikigita fare de la Komunista Partio de Germanio en la gazeto "Die Rote Fahne" (La Ruĝa Flago), kiel respondo al interbatado inter nazio kaj komunista membro de la nacia parlamento.
Kun la ascendo de la nazioj al potenco en 1933, la movado iĝis subtera, kaj estis plejparte implikita en kontrabando de judoj al najbaraj landoj. Ĝi revenis al videbla agado nur dum la 1980-aj jaroj. Dum periodo de la okupacio de Germanio, kontraŭfaŝismo iĝis la oficiala ideologio de la komunista registaro de GDR. En 1961, la berlina muro, konstruita en Orienta Germanio, estis oficiale nomita "Kontraŭfaŝisma Defenda Muro".
En aŭgusto 2017, la aŭtoritatoj en Germanio blokis la oficialan retejon de la movado por instigado al perforto kontraŭ policistoj.
Unuiĝinta Reĝlando redakti
La brita grupo "Anti-Fascist Action" ekfunkciis en Britio en 1985 fare de aktivuloj de "Red Action" kaj aliaj maldekstremaj grupoj. La movado aktivas en la batalo kontraŭ faŝismaj kaj rasismaj grupoj kaj partioj, kiel la Nacia Fronto kaj la Brita Nacia Partio. La grupo celas batali kontraŭ faŝismo surstrate, kaj samtempe ene de la brita laborista movado. AFA estas konata pro fizikaj bataloj kontraŭ faŝistoj kaj ekstremdekstraj aktivuloj, kaj ofte estis akuzita je fizika perforto kaj linĉado de dekstrulaj aktivuloj. En 1995 Red Action-aktivuloj kaj aliaj membroj de AFA fondis la Independent Working Class Association (IWCA). En 2001, la AFA-organizo estis dissolvita kaj la plej multaj el ĝiaj agadoj estis transdonitaj al la IWCA.
Usono kaj Kanado redakti
Anti-Racist Action, aŭ ARA, estas reto de kontraŭrasismaj kaj kontraŭfaŝismaj organizoj en Nordameriko. La membroj de la grupo organizis agadojn kaj manifestaciojn por interrompi kaj kontraŭbatali novnaziajn kaj ekstremdekstrajn grupojn, same kiel faŝismajn, rasismajn, seksismajn, homofobiajn kaj antisemitajn ideologiojn. ARA ankaŭ estas observita en manifestacioj por abortoj kaj virina elektolibereco.
En 2020, prezidanto Donald Trump kaj aliaj kulpigis Antifa pro perfortaj eventoj, kiuj okazis dum la protestoj de George Floyd. Trump deklaris ke Antifa estus nomumita kiel terorisma organizo, kvankam la leĝo en Usono ne permesas organizojn ene de Usono esti nomumitaj kiel teroristaj organizoj. Mark Bray, historiisto, kiu verkis la libron "Antifa: The Anti-Fascist Guide", diris pri la temo, ke ne estas dubo, ke Antifa-aktivuloj estas implikitaj en la tumultoj, kvankam estas malfacile scii kiom da homoj estas implikitaj. En artikolo en la Washington Post, Bray diris ke laŭ sia takso "simple ne estas sufiĉe da anarkiistoj kaj membroj de Antifa", do li trovas malfacila kredi ke la organizo sola povus respondeci pri detruo sur tia skalo.
Kritiko redakti
Antifa ĉeloj tra la mondo ricevas multe da kritiko, ĉefe pro sia batalema naturo kaj la perforto kiun multaj el ili faras kontraŭ civitanoj kaj civila posedaĵo, kadre de la lukto kiun ili asertas estas direktita kontraŭ faŝismo.
