Antonius Margaritha
Antonius MARGARITHA (1492-1542) estis judo konvertiĝinta al la kristanismo. Li publikigis kontraŭ-judan verkon "La tuta juda fido", kiu grave influis kontraŭ-judajn skribaĵojn en la frua moderna epoko. Dank'al tiu verko, kiun Lutero legis, la reformisto akiris ĉiujn siajn konceptojn pri judismo[1]. Jacob Margolioth, avo de Margaritha, estis rabeno en Nurenbergo kaj poste Ratisbono. Antono konvertiĝis en 1522, kaj estis baptita en Wasserburg, kaj pli malfrue fariĝis luterano. Li estis arestita kaj poste estis forpelita el Aŭgsburgo, surbaze de la plendoj faritaj de la juda komunumo kaj kun la apogo de Karlo la 5-a (1500-1558). Margaritha estis profesoro pri la hebrea en Aŭgsburgo, Meissen, Zell kaj Lepsiko kaj ekde 1537 ĝis sia morto en la Universitato de Vieno. Li publikigis la Psalmaron kaj la Evangelion laŭ Mateo 1:1 ĝis 3:6, en la hebrea, en Lepsiko, en 1533.
| Antonius Margaritha | ||
|---|---|---|
.png) Konvertiĝinta judo kaj hebreisto.
| ||
| Persona informo | ||
| Naskiĝo | 1492 en Regensburgo,  Sankta Romia Imperio
| |
| Morto | 1542 en Vieno, Sankta Romia Imperio
| |
| Religio | luteranismo [#] | |
| Alma mater | Universitato de Vieno | |
| Profesio | ||
| Okupo | verkisto [#] | |
| Aktiva en | Vieno [#] | |
| Verkado | ||
| Verkoj | "La tuta juda fido" | |
| En TTT | Oficiala retejo [#] | |
| [#] | Fonto: Vikidatumoj | |
Li faris publikan debaton kun Josel von Rosheim (1480-1554) antaŭ Karlo la 5-a kaj ties kortego en Aŭgsburgo. La disputo finiĝis kun decida venko favore al Josel, kiu estis guberniestro de ĉiuj judoj en Germanio, kaj rezultis en la forpelo de Margaritha de la regna urbo. Malgraŭ tiu leĝa decido, lia verko estis represita plurfoje kaj citiĝis de antisemitoj dum la jarcentoj. Marteno Lutero (1483-1546) legis la verkon, en 1539, antaŭ ol publikigi sian traktaĵon "Pri la judoj kaj iliaj mensogoj"[2], en 1543. La libro de Margaritha estis represita en 1705 kaj menciita en la Synagoga Judaica de Johannes Buxtorf (1564-1629).
Selektita verkoRedakti
- Der gantz jüdisch Glaub ("La tuta juda fido"), 1531
LiteraturoRedakti
- Anthonius Margaritha and the Jewish Faith: Jewish Life and Conversion in ...[rompita ligilo], Michael Thomson Walton
- From Christian Hebraism to Jewish Studies: Johannes Buxtorf (1564-1629) and ..., Stephen G. Burnett
- Orthodoxies and Heterodoxies in Early Modern German Culture: Order and ...[rompita ligilo], Randolph Conrad Head, Daniel Eric Christensen
- Jewish History and Jewish Memory: Essays in Honor of Yosef Hayim Yerushalmi, Yosef Hayim Yerushalmi, Elisheva Carlebach, John M. Efron, David N. Myers
- Judaism and Enlightenment, Adam Sutcliffe
- “The” Red Jews: Antisemitism in the Apocalyptic Age 1200 - 1600, Andrew Colin Gow
- JewishEncyclopedia
- Personensuche
- WorldCat Identities
Vidu ankaŭRedakti
- Heinrich Graetz
.png)
ReferencojRedakti
- ↑ Journal of Theology
- ↑ germane Von den Juden und ihren Lügen.
