ILEI-Kongreso
ILEI-Kongreso (Internacia Kongreso pri Edukado kaj Esperanto) estas ĉiujara plensemajna evento organizata de Internacia Ligo de Esperantistaj Instruistoj (ILEI). Ĝi okazas kutime tuj antaŭ aŭ tuj post Universala Kongreso de Esperanto de UEA, do fine de julio aŭ komence de aŭgusto.
| ||||
|---|---|---|---|---|
| Simbolo |  | |||
| Nomo | ILEI-Kongreso | |||
| Regiono | Mondo | |||
| Periodo | julio / aŭgusto | |||
| Organizanto | ILEI | |||
| Ekzistas ekde | 1967 (?) | |||
| Celgrupo | Esperantistaj instruistoj | |||
| Informa retpaĝo | paĝo pri ILEI-Kongreso | |||
La kongresoj celas instruistojn, kursgvidantojn de Esperanto, kaj ĝenerale homojn kiuj interesiĝas pri edukado.
Historio redakti
Kvankam ILEI fondiĝis en 1949, la unua ILEI-Konferenco okazis nur en 1967. Antaŭe, la por instruista programo okazis kadre de la universalaj kongresoj.
En 2008 la ILEI-Konferenco okazis en Porto Novo (Benino) kaj tiel estis la unua monda Esperanto-renkontiĝo okazonta en Afriko. Nur naŭ jarojn poste, en 2017 okazis la unua IJK en Afriko.
En 2016, okaze de la 49-a ILEI-Konferenco en Hungario, la tiama estrarano pri konferencoj de ILEI proponis kaj la Komitato aprobis doni novan nomon al la evento: "kongreso". Sekve, la 50-a Kongreso de ILEI okazis en Busano, Koreio, en julio 2017. Ekde tiam, la kongreso nomiĝas Internacia Kongreso pri Edukado kaj Esperanto.
Programo redakti
La programo de ILEI-Kongreso kutime entenas komitatkunsidojn, prelegojn pri pedagogiaj temoj, prelegojn pri aliaj temoj laŭ la loko kaj la partoprenantoj, kursojn, seminariojn, ekzamensesiojn, kulturajn programerojn, distrajn vesperojn, ekskursojn kaj koncertojn.
Dum la kongresoj okazas ankaŭ lingva festivalo aŭ lingva foiro (surstrata evento por partoprenigi eksteran publikon).
Ĝenerale okaze de la kongresoj okazas unu- aŭ dutaga universitatnivela simpozio/konferenco komune organizita de ILEI kaj de surloka universitato kun partopreno de esperantistaj kaj neesperantistaj fakuloj.
Fama kutimo de ĉiu ILEI-Kongreso estas la unua vespero, kiu kompreneble estas interkona, sed plie havas la nomon Frandvespero, ĉar ĉiu partoprenanto alportas ion bongustan el sia lando: do, gastronomio kaj malkovro de manĝkutimoj staras en la unua vico.
ILEI-Kongreso grupigas inter kelkdek kaj 200 partoprenantojn.
Listo redakti
- 54-a Kongreso 2023: Lignano Sabbiadoro, Italio paralele al la IJK 2023 (retaj informoj)
- 55-a Kongreso 2022: Kebekurbo, Kanado (retaj informoj)
- 54-a Kongreso 2021: Kotonuo, Benino. Esperanto-kulturo en Esperanto-kursoj. Ne okazis. Okazis VEKI 2 54-a Virtuala Esperanto-Kongreso ILEI 2021
- 53-a Kongreso 2020: Kebekurbo, Kanado. Interlingvistiko en universitatoj Ne okazis. Okazis VEKI: 53-a Virtuala Esperanto-Konferenco ILEI 2020.
- 52-a Kongreso 2019: Ĉaĉak, Serbio. Lernado en virtualaj komunumoj
- 51-a Kongreso 2018: Madrido, Hispanio. La kultura heredaĵo de Esperanto
- 50-a Kongreso 2017: Pusano, Suda Koreio. Edukado al respektoplena turismo
- 49-a Konferenco 2016: Nyíregyháza, Hungario. Novaj vojoj de lernado
- 48-a Konferenco 2015: Oostende, Belgio. Granda paco post grandaj militoj
- 47-a Konferenco 2014: Montevideo, Urugvajo. Lingva justeco en praktiko: latinamerikaj spertoj kaj tendencoj
- 46-a Konferenco 2013: Herzberg-Sieber, Germanio. Instruado de Esperanto al ĉiuj generacioj
- 45-a Konferenco 2012: Kunming, Ĉinio
- 44-a Konferenco 2011: Kopenhago, Danio
- 43-a Konferenco 2010: Matanzas, Kubo
- 42-a Konferenco 2009: Krakovo, Pollando
- 41-a Konferenco 2008: Porto-Novo, Benino: Instruistoj de Esperanto por la Planedo Tero
- 40-a Konferenco 2007: Ranzan, Japanio: Virinoj en Esperanto-Kulturo
- 39-a Konferenco 2006: Parma, Italio. Lingvaj rajtoj, lingvolernado, edukado por ĉiuj
- 38-a Konferenco 2005: Kaŭno (Kaunas), Litovio
- 37-a Konferenco 2004: Bratislavo, Slovakio
- 36-a Konferenco 2003: Örestrand, Svedio
- 35-a Konferenco 2002: ne okazis
- 34-a Konferenco 2001: Lovran, Kroatio
- 33-a Konferenco 2000: Bouresse, Francio