Boris Pasternak
Boris Leonidoviĉ PASTERNAK (ruse Борис Леонидович Пастернак) naskiĝis la 10-an de februaro 1890 n.s., mortis la 30-an de majo 1960[1] en Peredelkino apud Moskvo. Li estis granda rusa verkisto, poeto kaj tradukisto, kiu meritis Nobel-premion pri literaturo en 1958.
| Boris Pasternak | |||||
|---|---|---|---|---|---|
Nobel-premiito 
| |||||
| |||||
| Persona informo | |||||
| Борис Леонидович Пастернак | |||||
| Naskonomo | Борис Исаакович Постернак | ||||
| Naskiĝo | 29-an de januaro 1890 en Moskvo | ||||
| Morto | 30-an de majo 1960 (70-jaraĝa) en Peredelkino | ||||
| Mortis pro | naturaj kialoj vd | ||||
| Mortis per | pulma kancero vd | ||||
| Tombo | Peredelkino Cemetery vd | ||||
| Religio | ortodoksismo vd | ||||
| Lingvoj | germana • rusa vd | ||||
| Ŝtataneco | Rusia Imperio • Sovetunio vd | ||||
| Alma mater | Moscow State University, Faculty of Law • Universitato de Marburg • Moskva Ŝtata Universitato • Imperia Moskva Universitato vd | ||||
Subskribo 
| |||||
Memorigilo 
| |||||
| Familio | |||||
| Patro | Leonid Pasternak vd | ||||
| Patrino | Rosa Kaufman vd | ||||
| Gefratoj | Alexander Pasternak • Josephine Pasternak • Lydia Pasternak Slater vd | ||||
| Edz(in)o | Zinaida Nikolajevna Pasternak • Evgenia Lurie vd | ||||
| Amkunulo | Olga Ivinskaya vd | ||||
| Infanoj | Yevgeny Pasternak vd | ||||
| Profesio | |||||
| Okupo | verkisto • poeto • tradukisto • romanisto • dramaturgo • pianisto • prozisto vd | ||||
| Laborkampo | prozo vd | ||||
| Aktiva dum | 1911–1959 vd | ||||
| Verkado | |||||
| Verkoj | Doktoro Ĵivago (romano) vd | ||||
| |||||
| vd | Fonto: Vikidatumoj | ||||
Pasternak naskiĝis en la hebrea familio de fama pentristo Leonid Osipoviĉ Pasternak multe ilustrinta la verkojn far Leo Tolstoj, kun kiu li amikis. Lia patrino Rozalia Isidorovna Kaufman estis elstara pianistino. La gepatroj havis entute kvar gefilojn: Boris, Aleksandr, Ĵozefina kaj Lidia.
Infanaĝe Boris intencis fariĝi komponisto kaj ekstudis muzikon, sed en 1908 li preferis la filozofion, kiun li studis en la universitatoj de Moskvo kaj Marburg.
Liaj unuaj literaturaĵoj estis ĉefe lirikaj. En 1914 aperis lia versaro Ĝemelo en nimbuso. Multe apogis lian verkadon fama rusa poeto Vladimir Majakovskij, kun kiu Pasternak amikis ĝis lia morto en 1930.
Li baldaŭ famiĝis en la literatura medio, sed lia politika koncepto, kiu ne aprobis la sovetan sistemon, igis la stalinismajn regantojn obstrukci publikigon de kelkaj liaj verkoj. Dum la 1930-aj kaj 40-aj jaroj Pasternak ĉefe tradukis, interalie verkojn de Rainer Maria Rilke, William Shakespeare kaj Johann Wolfgang von Goethe.
Lia plej konata verko, la romano "Doktoro Ĵivago", estis eldonita en 1957 en la itala lingvo sub titolo Dottor Živago. Ĝi tuj famiĝis en la tuta mondo, sed nur en 1988 oni sukcesis eldoni ĝin en Sovetunio ruslingve. En 1958 Pasternak gajnis Nobel-premion pri literaturo, kiun li komence akceptis, sed poste redonis ĝin pro intensa premo de la komunisma registaro.[2]
Boris Pasternak estis dufoje edziĝinta. Lia unua edzino nomiĝis Eŭgenia Vladimirovna Lurje. Ilia geedziĝo ne estis feliĉa. Ŝi naskis filon Eŭgenij. Zinaida Nikolajevna Jeremeeva (Neihaus) estis la dua edzino de Pasternak . Ili havis filon Leonid.
Boris Pasternak estas sepultita en Peredelkino tombejo.
Listo de verkoj redakti
- Sestra moja - Ĵizn. Leto 1917 goda (1922)
- Pisma iz Tuli (1922)
- Detstvo Ljuvers (1922)
- Devjatsot pjatij god (1926)
- Lejtenant Ŝmidt (1926/27)
- Oĥrannaja gramota (1929)
- Doktoro Ĵivago (1957)
Tradukoj al Esperanto redakti
Post ŝtormo : poemoj 1955-9 / Boris Pasternak. [Kris Long elrusigis]. - [Bracknell: Long, 1981]. - 35 p.
"Doktoro Ĵivago": poemoj / Boris Pasternak; Kris Long [trad.]. - Chapec: Fonto, 1992. - 80 p. - (Fonto-Kajeroj ; 11)
Eksteraj ligiloj redakti
http://pasternak.niv.ru/ biografioruse
http://www.b-pasternak.ru/ biografio kaj verkoj ruse
http://ya-odessit.ru/content/pasternak-leonid-osipovich.html Arkivigite je 2012-01-12 per la retarkivo Wayback Machine biografio de lia patro Leonid ruse
Bildaro redakti
-
Memortabulo pri naskiĝo de Pasternak -
Ĉi-dome Boris naskiĝis -
Loĝejo de Pasternak en Peredelkino -
foton de Pasternak faris Ilja Ilf en 1930-j jaroj
