Provincoj de Bulgario

Ekde la jaro 1999, la ŝtato Bulgario dividiĝas en 28 administrajn unuojn. Ili bulgare nomatas "области", oblasti; singulare "област", oblast. Tiu vorto de administra unuo, kutima ankaŭ en la ŝtata divido de Rusio, Belarusio, Ukrainio kaj Kirgizio, neologisme tradukeblas per "oblasto" aŭ ekvivalento (ekzemple en la germanan lingvon tradukatas Oblast), sed en Esperanto pli kutime nomatas aŭ provinco aŭ regiono aŭ distrikto. Ne jam regas unueco, kiel traduki la vorton al ne-slavaj lingvoj - eĉ en vikipedio ekzemple en la angla lingvo la unuoj de Bulgario jen nomatas "province" en artikolaj titoloj, kaj "district" en kategorionomoj de la vikimedia komunejo. Provizore, sekve de la lingvouzo pri Rusio kaj Ukrainio en la esperantlingvaj artikoloj uziĝas la traduko "provinco". La "oblast"oj de la jaro 1999 pli-malpli korespondas al la 28 "okrug"oj (distriktoj) kiuj en Bulgario ekzistis antaŭ la jaro 1987. Inter la jaroj 1987 kaj 1999, laŭ iniciato de la komunista administrado de la tiama ŝtatestro Todor Ĵivkov, la "okrug"oj estis kunigitaj al naŭ pli larĝaj "oblast"oj, sed en 1999 denove disigitaj.

Ĉiu "oblast"o estas nomata laŭ la urbo de sia centra administrejo. Speciala kazo estas la nacia ĉefurbo: la urbo Sofio konsistigas urban provincon, kaj la ĉirkaŭaĵo norde, oriente kaj sude de la urbo aldone konsistigas Sofian Provincon nomata laŭ la proksima nacia ĉefurbo, kvankam la urbo Sofio - kie situas la administrejo de la Sofia Provinco - ne estas parto de la teritorio de tiu provinco.

La provincoj plue dividiĝas en sume 260 municipojn ("община", obŝtina).

provinco	loĝantaro (2005)	kresko de loĝantaro (2004/2005)	areo (km²)	loĝdenso (/km²)	municipoj
Blagoevgrad	334,907	-0.8%	6,478	51.70	14
Burgas	418,925	-0.2%	7,618	55.00	13
Dobriĉ	206,893	-0.8%	4,700	44.02	8
Gabrovo	135,780	-1.2%	2,053	66.96	4
Ĥaskovo	268,335	-0.7%	4,033	66.53	11
Jambol	147,906	-1.1%	4,209	35.14	5
Karĝali	159,878	-0.7%	4,032	39.65	6
Kjustendil	154,468	-1.2%	3,027	51.03	9
Loveĉ	159,214	-1.3%	4,134	38.99	8
Montana	166,775	-2.0%	3,595	47.35	11
Pazarĝik	300,092	-1.0%	4,393	68.31	11
Pernik	142,251	-1.3%	2,377	59.84	6
Pleven	305,025	-1.5%	4,216	73.64	11
Plovdiv	707,570	-0.2%	5,973	118	18
Razgrad	140,743	-1.0%	2,648	53.15	7
Ruse	256,835	-0.7%	2,616	99.07	8
Silistra	135,701	-1.3%	2,862	47.41	7
Sliven	211,005	-1.0%	3,646	47.41	4
Smoljan	133,015	-1.5%	3,532	37.66	10
urbo Sofio	1,231,622	+1.0%	1,349	913	24
Sofia provinco	262,032	-1.1%	7,277	36.01	22
Stara Zagora	362,090	-0.5%	4,959	73.02	11
Ŝumen	199,577	-0.6%	3,365	59.31	10
Targoviŝte	136,806	-1.0%	2,735	50.02	5
Varna	457,922	-0.1%	3,819	120	12
Veliko Tarnovo	283,599	-0.5%	4,684	60.99	10
Vidin	117,809	-2.0%	3,071	39.11	11
Vraca	209,124	-1.7%	4,098	51.89	10

HistorioRedakti

La naŭ grandaj "oblast"oj, kiuj ekzistis inter la jaroj 1987 kaj 1999 (vidu supre), listiĝas ĉi-sube - dekstre indikiĝas la 28 "okrug"oj de antaŭ 1987 respektive la 28 "oblast"oj de la nuna divido ekde la jaro 1999:

En 1987, la ĝistiame ekzistantaj 28 okrugoj estis transformitaj en 9 grandaj oblastoj. En 1999, la malnovaj okrugoj estis reenmetitaj, sed la nomo "oblast" restis. La 9 grandaj oblastoj estis listitaj sube, kun la antaŭ1987aj okrugoj post1999aj oblastoj enhavataj.

disdivido de Bulgario inter la jaroj 1987 kaj 1999

1987-1999 "oblast"o	nunaj teritorioj
Burgas	Burgas, Sliven, Jambol
Ĥaskovo	Ĥaskovo, Karĝali, Stara Zagora
Loveĉ	Gabrovo, Loveĉ, Pleven, Veliko Tarnovo
Montana	Montana, Vidin, Vraca
Plovdiv	Pazarĝik, Plovdiv, Smoljan
Razgrad	Razgrad, Ruse, Silistra, Targoviŝte
urbo Sofio	urbo Sofio
Sofia	Blagoevgrad, Kjustendil, Pernik, Sofia provinco
Varna	Dobriĉ, Ŝumen, Varna

Provincoj (oblastoj) de Bulgario

Kategorio Provincoj de Bulgario en la Vikimedia Komunejo (Multrimedaj datumoj)