Vagaduguo

Vagaduguo (mosie Ouagadougou, [ˈwɔɣədəɣʊ], france Ouagadougou [wa.ɡa.du.ɡu]) estas la ĉefurbo (milionurbo) kaj universitata urbo de Burkino. Ĝi estas la plej granda urbo, samtempe ekonomia, kultura, komerca kaj trafika centro de Burkino. La loknomo estas ofte mallongigita al "Ouaga" (respektive, en Esperanto, "Uago").

Vagaduguo
Administrado
En TTT	Oficiala retejo [+]
Demografio
Loĝantaro	2 453 496  (2019) [+]
Loĝdenso	11 188 loĝ./km²
Geografio
Geografia situo	12° 22′ N, 1° 32′ U (mapo)12.368611111111-1.5275 [+]
Alto	305 m [+]
Areo	219,3 km² (21 930 ha) [+]
Horzono	UTC±00:00 [+]
DEC Situo de Vagaduguo
Alia projekto
Vikimedia Komunejo Ouagadougou [+]

Moskeo de Vagaduguo

Ĉefstrato en Vagaduguo

Flankstrato de Vagaduguo

Situo

Vagaduguo situas sur altebenaĵo en centro de la lando.

Historio

Kelkaj opinias, ke la unua mencio okazis en la 15-a jarcento. Laŭ aliaj fontoj la urbo estis rezidurbo jam en la 11-a jarcento. Ekde 1896 la francoj ekhavis la urbon kaj plej ofte ĝi iĝis kolonia ĉefurbo. Ekde 1960 ĝi estas ĉefurbo de sendependa ŝtato.

Industrio

La plej grava branĉo estas la nutraĵoj kaj teksaĵoj kune kun komercado.

Trafiko

En la urbo precipe taksioj liveras la pasaĝerojn. Vagaduguo havas internacian flughavenon, stacidomon kaj tie estas nodo de la vojoj.

Klimato

Em Vagaduguo regas seka, varma klimato. Jare pluvas po 750 mm. La pluvsezono etendiĝas de majo ĝis oktobro kun averaĝtemperaturo de 30 °C. La malvarma, seka sezono daŭras inter decembro kaj januaro kun minimumtemperaturo de 19 °C. La varma sezono daŭras de aprilo ĝis majo, tiam oni mezuras 45 °C-ojn. Musono kaj seka vento influas klimaton de la ĉefurbo.

Vidindaĵoj

• botanika ĝardeno
• muzeo pri muziko
• moskeo
• katedralo
• monumento

Ĝemelurboj

• Kebekurbo en Kanado
• Liono en Francio
• Grenoble en Francio
• Torino en Italio
• Kumasi en Ganao
• San Miniato en Italio
• Briton Ferry en Unuiĝinta Reĝlando
• Leuze-en-Hainaut en Belgio
• Kuvajturbo en Kuvajto
• Tajpeo en Tajvano

Vidu ankaŭ

• Deklaro de Vagaduguo