Antologio Latina
Antologio Latina estas traduka projekto de Gerrit Berveling, en kiu li intencas prezenti latinlingvajn aŭtorojn antikvajn, mezepokajn, renesancajn. Ĉiu volumo ankaŭ enhavas ĉapitrojn por doni iom da historia fono al la menciitaj aŭtoroj.
| Antologio Latina | ||
|---|---|---|
 | ||
| Aŭtoro | Gerrit Berveling | |
| Eldonjaro | 1998 | |
| Urbo | Chapecó-SC | |
| Eldoninto | Fonto | |
| Paĝoj | 272 | |
De tempo al tempo ĉe eldonejo VoKo aperas malgrandaj broŝuroj por kvazaŭ veki la apetiton de la publiko por estontaj numeroj. Tiaj libretoj estas, ekzemple, Da mav' estos neniam sat'! kun poemoj de Marcialo por la 4a volumo (ĝis 200 post Kristo), aŭ La Unueco de la Katolika Eklezio de Cipriano por la 5a volumo. Vidu ankaŭ: Pasiono de Perpetua kaj Feliĉita.
Ankaŭ la VoKo-libreton El tiom da jarcentoj (50 poemoj el diversaj generacioj en Esperanto-traduko de Berveling) oni povas konsideri kiel antaŭŝtupon por pli postaj volumoj de l' Antologio Latina.
La unuaj du volumoj kune estis la 30a verko en la Serio Oriento-Okcidento. Pro la traduko de tiuj du unuaj volumoj el la projekto la tradukisto ricevis la OSIEK-premion de la Organiza Societo de Internaciaj Esperanto-Konferencoj en 2003.
Volumo 1
redakti- Livio Androniko
- Gneo Nevio
- Kvinto Ennio
- Marko Pakuvio
- Tito Makio Plaŭto
- Publio Terencio Afro
- Lukio Akio
- Gajo Lukilio
- Marko Porcio Katono
- Marko Tulio Cicerono
- Kajo Julio Cezaro
- Marko Terencio Varono
- Kajo Salustio Krispo
- Neposo
- Laberio
- Tito Lukrecio Karo
- Kajo Valerio Katulo
- Levio
- Kajo Licinio Kalvo
- Kajo Helvio Cino
- Marko Furjo Bibakulo
- Ticido
- Pseŭdo-Katono
- Analistoj
- Kvinto Klaŭdio Kvadrigario
- Tito Livio
Volumo 2
redakti- Publio Vergilio Marono
- Kajo Kornelio Gallo
- Kvinto Horacio Flako
- Seksto Propercio
- Marko Valerio Mesalo Korvino
- Albio Tibulo
- Ligdamo
- Sulpicia
- Anonimulo pri Mesalo
- Anonimulo pri Sulpicia
- Publio Ovidio Nazo
- Tito Livio
- Kajo Julio Cezaro Oktaviano Aŭgusto
- Anonimulo pri Meceno
- Anonimulo pri Panjo Tero
- Vitruvio Poliono
- Kajo Asinio Poliono
- Priapaj poemoj
Volumo 3
redakti- Fedro
- Lukio Aneo Seneko la Pliaĝa
- Velejo Paterkulo
- Valerio Maksimo
- Manilio
- Germaniko Julio Cezaro
- Lukio Aneo Seneko
- Anonimulo pri Nerono
- Kalpurnio Sicilia
- Gajo Petronio Arbitro
- Aŭlo Persio Flako
- Marko Aneo Lukano
- Pomponio Melo
- Marko Gavio Apicio
- Etno
- Lukio Junio Moderato Kolumelo
- Iliado Latina
- Korespondaĵo inter Seneko kaj Paŭlo
Volumo 4
redakti- Publio Papinio Statio
- Kajo Valerio Flako
- Tiberio Katio Silio Itala
- Marcialo
- Juvenalo
- Kajo Plinio Sekundo la Pliaĝa
- Kvintiliano
- Kajo Plinio Cecilio Sekundo la Juna
- Tacito
- Kvinto Kurtio Rufo
- Seksto Julio Frontino
- Pri la Mitra-kulto
- Publio Cezaro Trajano Hadriano Aŭgusto
- Floro
- Terenciano Maŭro
- Lukio Aneo Floro
- Kajo Suetonio Trankvilo
- Marko Kornelio Frontono
- Aŭlo Gelio
- Lukio Apulejo
- Gajo
- Celso
- La Olda Latina
- La Martirakto de Skilio
- Pasiono de Perpetua kaj Feliĉita
- Kanono Muratori
- Pomponio Porfirio
Volumo 5
redakti- Marko Minucio Felikso
- Kvinto Septimio Florento Tertuliano
- Tascio Cecilio Cipriano
- Novatiano
- Komodiano
- Kajo Vetio Akvilino Juvenko
- Arnobio
- Lukio Celio (aŭ Cecilio) Firmiano Laktancio
- Martiraktoj
- Apokrifaj evangelioj
- Vulfilo
- Iacobus de Voragine
- Hermeneumata pseŭdo-Dositheana
- Anonimulo - Historio pri Apolonio, reĝo de Tiro
- Diktiso de Kreto
- Tabula Peutingeriana
- Pentadio
- Repoziano
- Marko Aŭrelio Olimpio Nemasiano
- Kajo Mario Viktorino Afro
- Anonima - Kanto pri Alcesta
- Elio Donato
- Junian(i)o Justino
- Tiberiano
- Humuro
- el Historia Augusta
